16 Maj 2022

Punëtorët e General Motors, në pritje të mbylljes së fabrikës

Detroid, 5 dhjetor - Vetëm disa javë përpara Krishtlindjeve mijëra punëtorë në qytete të vogla në të gjithë Shtetet e Bashkuara morën një lajm të keq.

Kompania ku punojnë, General Motors, më e madhja në fushën e prodhimit të makinave, do të mbyllë disa nga fabrikat e saj duke i futur punëtorët dhe familjet e tyre drejt një të ardhmeje të pasigurt.

Kjo është goditja më e fundit për punëtorët e fabrikave të cilët përballen me sfida të pashembullta në një treg konkurues botëror.

Zëri i Amerikës zbërthen se çfarë do të thotë kjo për njerëzit që punojnë në një nga fabrikat e kompanisë në Lordstown të Ohajos.

Nuk ka mbetur asgjë tjetër veç lutjeve.....me shpresën që fabrika ku ka punuar për 18 vitet e fundit Michelle Ripple, do të qëndrojë hapur.

Modeli Chevy Cruze me të cilën ajo krenohej në këtë godinë nuk është më dhe nëse kompania Generals Motors nuk sjell një produkt tjetër, këto do të jenë Krishtlindjet e fundit në këtë punë me të cilën Michelle mban familjen e saj.

"Të coptohet zemra. Dhe na e thonë pak më shumë se një muaj përpara Krishtlindjeve”, thotë ajo.

Michelle e di tashmë se diku tjetër nuk do të mund të bëjë 30 dollarë në orë si këtu. Mundësia e saj më e mirë janë 10 dollarë në orë, në një fabrikë alumini.

"Këtej rrotull nuk ka punë që paguhen mirë, përveçse tek Generals Motors. Jo vetëm do të ketë ndikim tek fabrika jonë, por do të ndikojë edhe tek kompanitë e tjera që furnizohen prej nesh".

Lisa Miller e cila punon si kamariere e vuri re ndikimin e menjëherëshëm.

"Rreth kësaj ore Generals Motors do të bënte 30 porosi për vakte dreke".

Në vend të kësaj ... një ambient ku hahet i zbrazët, ndërsa punëtorët kanë nisur të shohin llogaritë e tyre bankare. Lisa dëshiron që kompania të kuptojë.

"Ata braktisin kaq shumë njerëz pa e kuptuar se po shkatërrojnë komunitete të tëra. Nëse populli amerikan do t’i braktiste ashtu siç na braktisën ata ne, do ta kuptonin se çfarë do të thotë t’u shkurtohen pagat. Shpresoj që fuqia punëtore në Kinë dhe Meksikë t’u vlejë".

Lisa mezi pret të paguajë këstin e fundit për makinën që ka blerë tek Generals Motors që siç thotë do të jetë e vetmja që do të ketë.

Edhe punëtorët në pension të kompanisë janë goditur nga vendimi.

"Nuk e di nëse shtëpia ime do të ketë ndonjë lloj vlere. Do të jemi të detyruar të rrimë aty për ca kohë", thotë Vincent Quijno, punonjës në pension i GM

Michelle nuk është e sigurt për të ardhmen, por megjithatë përpiqet të nxisë optimizën tek vajza e saj.

"I kam thënë se do të jemi mirë. Do të jetë një kohë e gjatë e mundimshme, por do të jemi mirë", Michelle Ripple, punëtore e GM, Lordstown

Dhe ajo është një nga shumë në këtë qytet që nuk janë gati të dorëzohen.

Kalendari

Ngjarjet e datës 16 maj 2022

- Akademia Diplomatike e Ministrisë së Punëve të Jashtme dhe Diasporës, në bashkëpunim me Friedrich Ebert Stiftung, hapin nesër në Pejë edicionin e 8-të të Shkollës Diplomatike Verore. (Hotel Dukagjini në Pejë, ora 9:00)

- Kryetari i Kuvendit të Republikës së Kosovës, Glauk Konjufca, viziton familjen e veprimtarit Ukshin Hoti. (Krushë e Vogël, ora 9:50)

- Mbahet mbledhja e Qeverisë së Kosovës, e cila do të udhëhiqet nga Zëvendëskryeministri i Parë i Republikës së Kosovës për Integrim Evropian, Zhvillim dhe Dialog, Besnik Bislimi. (Ndërtesa e Qeverisë, ora 10:00‪)

- Konstituohet  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës. (Ndërtesa e Kuvendit, salla N204, ora 10:00)

- ECIKS organizon ngjarjen përmbyllëse të programit Access - “Qasja në Treg dhe Shërbimet e Digjitalizimit për Bizneset Kosovare”, program ky i cili përgjatë katër viteve pati për qëllim të lehtësojë zhvillimin dhe transformimin digjital në sektorin privat dhe publik në Kosovë. (Hotel Emerald, ora 10:00)

- Në kuadër të Ditëve të Gjuhës Gjermane në Kosovë, Goethe Zentrum hap dyert për të gjithë të interesuarit për tu njoftuar me ofertart e tyre. (Goethe Zentrum në Prishtinë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me ekspertin e angazhuar nga UN Women lidhur me përfundimin e draftligjit për mbrojtje nga dhuna në familje dhe dhuna në baza gjinore. (Ndërtesa e Kuvendit, salla N302, ora 11:00)

- OJQ Aktiv ka kënaqësinë t'ju ftojë në promovimin e ueb faqes “Miqësia Serbo-Shqiptare”. (Qendra e Energjisë Qytetare në Mitrovicë, Mbreti Petri I, 183a, ora 11:00)

- Me rastin e 23-vjetorit të zhdukjes së profesorit, politologut dhe luftëtarit të paepur të çështjes kombëtare Mr. Ukshin Hoti, do të bëhet një vizitë në Shtëpinë Muze të Ukshin Hotit. (Fshati Krushë e Madhe, ora 11:00)

 - Mbahet mbledhja e Kryesisë së Kuvendit të Kosovës. (Ndërtesa e Kuvendit, salla C 301, ora 11:00)

- Mbahet ceremonia e hapjes zyrtare e edicionit te dytë të panairit Max fest. (Sheshi Zahir Pajaziti, ora 11:00)

-  Komisioni për Ekonomi, Industri, Ndërmarrësi dhe Tregti shqyrtion raportin me rekomandime për Projektligjin për turizmin dhe raportin vjetor të Komisionit të Pavarur për Miniera dhe Minerale. (Ndërtesa e Kuvendit, salla N10, ora 12:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Brestoc, Hoçë e Vogël. (Objektet e shkollave fillore të fshatit Brestoc dhe Hoçë e Vogël, ora 17:00)

- Në kuadër të Ditëve të Gjuhës Gjermane në Kosovë, shfaqet filmi "Sami, Joe und ich" nga Karin Heberlein si dhe mbahet diskutim me temë "Diaspora në Kinema: Promovimi i imazhit të Kosovës në vende gjermano folese. (Kinema Armata, ora 18:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Nagac dhe Celinë. (Objektet e shkollave fillore të fshatit Nagac dhe Celinë, ora 18:00)

- Shfaqet premiera e dokumentarit “Babai dhe Babai”. (Muzeu Etnologjik “Emin Gjiku” në Prishtinë, ora 20:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatit Krushë e Madhe. (Shtëpia e Kulturës “Muhamet Malsori”, ora 20:00)