24 Shtator 2021

Prodhimi industrial në Evropë shënoi rënie mbi 20 për qind

Bruksel, 15 korrik - Eurostat ka njoftuar se prodhimi industrial në Evropë vazhdoi të bie mbi baza vjetore në maj, përkundër një rritjeje mujore të nxitur nga lehtësimi i masave parandaluese të COVID-19.

Prodhimi industrial i BE-së shënoi rënie 20.5 për qind në maj krahasuar me të njëjtin muaj të vitit të kaluar, ndërsa shënoi një rritje me 11.4 për qind muaj pas muaji.

"Në 27 vendet anëtare të BE-së, apo BE27, prodhimi i mallrave kapitale ra me 29.5 për qind, mallrat e qëndrueshme të konsumit me 23.2 për qind, mallrat e ndërmjetme me 18.5 për qind, mallrat e konsumit jo të qëndrueshëm me 13.4 për qind dhe energjia me 10.6 për qind", bëri të ditur zyra e statistikave, duke dhënë shifrat vjetore.

Prodhimi industrial shënoi rënie në të gjitha shtetet anëtare për të cilat janë të disponueshme të dhënat, me uljet më të mëdha të regjistruara në Sllovaki (minus 33.5 për qind), Hungari (minus 27.6 për qind) dhe Rumani (minus 27.4 për qind).

Prodhimi industrial në eurozonë gjithashtu shënoi rënie me 20.9 për qind ndër vite në maj ndërsa u ngjit në 12.4 për qind nga muaji i kaluar.
 

Kalendari

Ngjarjet e datës 24 Shtator 2021

- Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Banka Qendrore e Kosovës mbanë konferencë për shtyp. (Objekti i BQK-së, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)