05 Shkurt 2023

Prodhimi industrial në Eurozonë shënoi rritje në dhjetor

Bruksel, 17 shkurt - Prodhimi industrial në Eurozonë është rritur me 1.2 për qind në dhjetor të vitit të kaluar krahasuar me muajin paraprak.

Zyra evropiane e statistikave (Eurostat) publikoi të dhënat për prodhimin industrial për dhjetor 2021 për Bashkimin Evropian (BE) dhe Eurozonën

Sipas të dhënave më të fundit, prodhimi industrial në Eurozonën 19-anëtarëshe u rrit me 1.2 për qind në dhjetor krahasuar me nëntorin dhe për 1.6 për qind krahasuar me dhjetorin e vitit 2020.

Prodhimi industrial në BE në dhjetor është rritur me 0.7 për qind krahasuar me muajin paraprak, dhe krahasuar me të njëjtën periudhë të vitit të kaluar është rritur për 2.5 për qind.

Sipas këtyre të dhënave, prodhimi industrial në vitin 2021 u rrit me 7.8 për qind në Eurozonë dhe me 8.2 për qind në BE krahasuar me një vit më parë.

Eurozona është bashkimi monetar i 19 vendeve anëtare të BE-së që kanë adoptuar euron si monedhën e tyre kryesore dhe mjetin e vetëm ligjor pagesor. BE-ja aktualisht ka 27 vende anëtare.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)