05 Shkurt 2023

Prezantohen modelitetet e fasadimit të objekteve banesore​ në Skenderaj

Skenderaj, 21 shkurt - Komuna e Skenderajt ka deklaruar se ka filluar zbatimi në praktikë i premtimit të kryetarit Fadil Nura, sa i përket investimit publik në fasadimin e objekteve banesore brenda zonës së sheshit “Adem Jashari”.

Sot, kompania projektuese Vizion Project, ka bërë prezantimin e modealiteteve të fasadimit të ndërtesave përgjatë dhe përreth sheshit kryesor të qytetit.

Kryetari Nura ka thënë se me kompaninë projektuese do të punohen modalitete të pranueshme, e më pas, siç ka premtuar ai, bashkë me banorët rezidentë do të përcaktohen për planin më të mirë të mundshëm.

“Transformimi modern do të bëhet”, ka thënë kryetari Nura.

Shkelqim Osmani nga kompania Vizion Project, ka thënë se ndërhyrja në objektet në sheshin “Adem Jashari, është konceptuar të bëhet duke unifikuar fasadat e objekteve nëpërmjet ngjyrës dhe elementeve të tjera arkitektonike ekzistuese.

Fasadimi i ndërtesave në zonën I të qytetit ka qenë premtim i kryetarit Nura gjatë fushatës, ndërkohë që ai po fillon të zbatohet edhe në praktikë, në një kohë shumë të shkurtë.

 

 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)