03 Shkurt 2023

Peugeot-Citroen, kërkon t'i kthehen 100 mijë makina

Paris, 4 shkurt - Firma e prodhimit të automjeteve më e madhe në France Peugeot-Citroen, kërkon t'i kthehen mbrapsht 100 mijë automjete Peugeot 107 dhe Citroen C1.

Këto automjete janë prodhuar në Republikën Çeke së bashku me ato të Toyota-s dhe kanë rezultuar me probleme në pedalen e gazit. Zëdhënësi i firmës franceze Jean Marc Sarret bën të ditur se deri tani nuk ka ndodhur asnjë aksident si pasojë e pedales së gazit.

Sarret thotë se të gjithë pronarët e makinave të prodhuara mes viteve 2005 - 2009 do të njoftohen më postë elektronike për ti kthyer mbrapsht ato. Mendohet se rreth 10 për qind e makinave të prodhuara kanë problem me pedalen e gazit.

Dy të tretat e fabrikës që ndodhet në Kolin janë në pronësi të firmës franceze, ndërsa një e treta që është në  pronësi të Toyota-s prodhon 330 mijë makina në vit. Prodhuesi më i madh i makinave në botë, Toyota, si pasojë e problemeve në pedalen e gazit kërkon mbrapsht rreth shtatë milion makina nga Amerika, Evropa dhe Azia.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)