08 Shkurt 2023

OPEC dhe vendet aleate arrijnë marrëveshje për prodhimin e naftës

Riad, 19 korrik - Ministri i Energjisë i Emirateve të Bashkuara Arabe tha se OPEC-u dhe vendet aleate kanë arritur një "marrëveshje të plotë", pas mosmarrëveshjesh të mëparshme të cilat krijuar shqetësime lidhur me çmimin e naftës.

Komentet e Suhail al-Mazrouei për gazetarët vijnë pas një takimi të zhvilluar në internet. Megjithëse ai nuk ofroi detaje të tjera lidhur me marrëveshjen, Ministri saudit i Energjisë, Princi Abdulaziz bin Salman, tha se pesë vende do të kenë një rritje të kufirit të prodhimit të naftës. Ai nuk pranoi të japë detaje se si u arrit marrëveshja.

Në fillim të këtij muaji, bisedimet mbi nivelet e prodhimit të naftës dështuan, pjesërisht për shkak të kërkesës së Emirateve të Bashkuara Arabe për të rritur nivelet e prodhimit të naftës në vend. Kjo shkaktoi tensione mes këtij vendi dhe Arabisë Saudite, krahas mosmarrëveshjeve të tjera mes këtyre dy vendeve fqinje.

Çmimet e naftës ranë mes pandemisë së koronavirusit sikurse edhe kërkesa për karburant për shkak të bllokimeve në të gjithë globin. Por kërkesa për karburant tashmë është rritur me fillimin e procesit të vaksinimit, që ka ecur me rritme të shpejta në ekonomitë kryesore të botës.

Një fuçi naftë e papërpunuar tregtohej të premten rreth 73 dollarë.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)