02 Shkurt 2023

Nissan ndalon përkohësisht prodhimin në disa fabrika pas tërmetit

Tokio, 19 shkurt - Kompania japoneze e automjeteve Nissan do të ndalojë përkohësisht prodhimin në disa fabrika pas tërmetit me fuqi prej 7.3 ballë që ndodhi në ujërat e Fukushima-s fundjavën e kaluar.

Sipas lajmit të agjencisë Kyodo bazuar në informacionet e burimeve të kompanisë, prodhuesi japonez, për arsye të vonesës së furnizimit të pjesëve pas tërmetit të fuqishëm, do të ndalojë prodhimin në disa fabrika në mbarë vendin.

Sipas kësaj, gjatë javës së ardhshme prodhimi në fabrikat Oppama dhe Shatai do të pezullohet ndërsa në fabrikën Shonan do të ndalohet prodhimi për një kohë të shkurtër.

Nuk u njoftua se furnizimi i cilit model dhe klasë të automjeteve do të vonohet për shkak të pengesës.

Gjithashtu edhe Toyota në mbarë vendin kishte pezulluar përkohësisht 14 linja masive të prodhimit në 9 fabrika.

Në prefekturën veriperëndimore të vendit Fukushima më 13 shkurt ndodhi një tërmet me fuqi prej 7.3 ballë në një thellësi prej 60 kilometra.

Sipas agjencisë së lajmeve Kyodo, në tërmet deri më tani janë lënduar 160 persona, ndërsa nuk është raportuar për viktima.

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)