24 Shtator 2021

Nënshkruhet marrëveshja me Bankën Botërore për sektorin e ujit

Prishtinë, 13 korrik - Ministrja e Financave Hykmete Bajrami dhe drejtoresha Rajonale për Ballkanin Perëndimor e Bankës Botërore Linda van Gelder, nënshkruan sot marrëveshjen për projektin “Programi - Nxitja dhe Levimi i Mundësive për Sektorin e Ujit”, që njihet si FLOWS, në vlerë prej 25.1 milion euro.

Nënshkrimi i kësaj marrëveshje është shumë i rëndësishëm për Kosovën, dhe veçanërisht për regjionin e Hidromoravës, projekti do të ndihmojë sektorin e ujërave në Kosovë, përforcon kapacitetet kombëtare për menaxhimin e integruar të ujërave dhe përmirëson sigurinë e ujërave në pellgun e Moravës së Binçës.  

Marrëveshja gjithashtu parasheh një numër aktivitetesh, përfshirë studimet dhe investimet infrastrukturore, ku përfituese kryesore për këtë fazë të programit është Kompania Rajonale e Ujësjellësit “Hidromorava” në Gjilan.

Kosova ka përfituar po ashtu edhe nga BE-ja një grant prej 1 milion eurosh përmes Kornizës Investuese për Ballkanin Perëndimor (WBIF – Western Balkans Investment Framework), në mbështetje të këtij projekti ku do të adresohen sfidat e këtij sektori në mënyre gjithëpërfshirëse dhe sistematike.   

Kalendari

Ngjarjet e datës 24 Shtator 2021

- Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Banka Qendrore e Kosovës mbanë konferencë për shtyp. (Objekti i BQK-së, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)