23 Shtator 2021

Ndalimi i prodhimit të naftës i kushton Libisë mbi 7 miliardë dollarë

Tripoli, 17 korrik - Korporata Kombëtare e Naftës në Libi (NOC) njoftoi mbrëmë se kostoja e ndalimit të prodhimit të naftës që nga fillimi i janarit ka shkaktuar humbje prej miliarda dollarësh.

NOC tha se prodhimi i naftës kishte ndaluar më 17 janar dhe humbjet kanë arritur në 7 miliardë dollarë.

Një grup i armatosur i lidhur me gjeneralin renegat Khalifa Haftar mbylli portet e eksportit të naftës në rajonin e "Gjysmëhënës së Naftës" më 18 janar, një ditë përpara Konferencës së Berlinit në Gjermani që synoi të sjellë një zgjidhje për krizën libiane.

Liderët e fiseve pro-Haftarit gjithashtu njoftuan se ndërprenë prodhimin e naftës në fushat e naftës Sharara dhe Al-Fil.

Në fillim të vitit 2020, Libia që ka rezerva më të mëdha të naftës në Afrikë, ishte në gjendje të prodhonte 1,2 milion fuçi naftë të papërpunuar në ditë, por për shkak të ndërprerjes së grupit pro-Haftarit për gjysmë viti, prodhimi i përditshëm ra nën 100 mijë fuçi dhe linjat e gjata për karburant janë bërë rutinë.

OKB-ja e njeh qeverinë libiane të kryesuar nga Fayez al-Sarraj si autoritet legjitim të vendit ndërsa Tripoli ka luftuar milicitë e Haftarit që nga prilli i vitit 2019, një konflikt që ka marrë mbi 1.000 jetë njerëzish.

Qeveria nisi operacionin "Stuhia e Paqes" në mars për të kundërshtuar sulmet e Haftarit mbi kryeqytetin Tripoli dhe së fundmi çliroi vendet strategjike, përfshirë bazën ajrore të Al-Watiya dhe qytetin Tarhuna, fortesën e fundit të Haftarit në Libinë perëndimore.

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)