05 Shkurt 2023

Motorët dizelë shënojnë një rënie të konsiderueshme në 2019

Bruksel, 9 shkurt - Ndërsa aksionet e automjeteve elektrike në tregun evropian të automobilave u rritën ndjeshëm, motorët dizelë shënuan një rënie të konsiderueshme në vitin 2019, sipas të dhënave të Shoqatës Evropiane të Prodhuesve të Automjeteve (ACEA) të enjten, raporton Anadolu Agency (AA).

Në vit, numri i regjistrimeve të reja të automjeteve me motor me naftë shënoi rënie me 13.9 për qind në 4.65 milionë, ndërsa veturat me benzinë u rritën me 5.2 për qind për të arritur në 8.96 milion, treguan të dhënat e ACEA-s.

Gjatë këtij viti, mbi 465,000 automobilë elektrik të reja, hibride dhe me bateri, u regjistruan në BE, duke u rritur me 53.5 për qind nga viti në vit.

Ndërkohë, totali i automjeteve me energji alternative (APV), elektrike, LPG, LNG, etanol, etj - u rrit me 42.9 për qind për të arritur në 1.6 milion njësi në vitin e fundit, mbi baza vjetore.

"Automjetet elektrike ishin ndër nxitësit kryesorë të kësaj rritjeje", tha ACEA.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)