23 Shtator 2021

Ministrja Bajrami premton përkrahje për sektorin prodhues

Prishtinë, 10 korrik - Ministrja e Financave Hykmete Bajrami, priti në takim përfaqësuesit e Klubit të Prodhuesve të Kosovës, të udhëhequr nga kryetari Bashkim Osmani. Në takim u diskutua për situatën ekonomike në vend si dhe për politikat e Qeverisë së Kosovës për nxitjen e prodhimit vendor.  

Ministrja Bajrami bëri të ditur se Qeveria e Kosovës është duke punuar me përkushtim në adresimin e sfidave ekonomike, dhe në këtë kuadër, Qeveria ka paraparë një sërë masash që synojnë nxitjen e aktivitetit prodhues në vendin tonë, nënvizoi ajo.

Ministrja Bajrami potencoi se vendimi i djeshëm i Qeverisë Hoti për uljen e normës së tatimit të akcizës në lëngje është veprim që ilustron përkushtimin e Qeverisë për mbështetjen e prodhimit vendas.

 Znj. Bajrami shtoi se ne do të vazhdojmë ta përkrahim sektorin prodhues me masa nxitëse duke qenë të vetëdijshëm që rritja e aktivitetit prodhues ndikon në krijimin e vendeve të punës, përmirësimin e bilancit tregtar dhe zhvillimin ekonomik të vendit tonë.

Në anën tjetër, përfaqësuesit e Klubit të Prodhuesve të Kosovës falënderuan Ministren Bajrami për përkrahjen e prodhuesve vendorë, e sidomos për vendimin e Qeverisë së Kosovës për ndryshimin e normës së tatimit të akcizës në lëngje, vendim ky që i ndihmon prodhuesit vendorë në këtë kohë të përpjekjeve të gjithmbarshme për rimëkëmbjen e ekonomisë së vendit.
 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)