14 Gusht 2022

Mercedes do të tërheqë 660 mijë makina në Kinë për rrjedhje të vajit

Pekin, 5 korrik - Mercedes-Benz ka njoftuar tërheqjen e më shumë se 660.000 automjeteve nga tregu i Kinës për shkak të një rrjedhjeje të mundshme të vajit të motorit.

Autoriteti i Analizës së Tregut të Kinës më herët deklaroi se ishte përcaktuar se mund të ketë dëme në "vulën mekanike" që mund të shkaktojë një rrjedhje të vajit kur të ndezet motori në mot të ftohtë.

Agjencia kineze e lajmeve Xinhua njoftoi sot në mëngjes se tërheqja e 668.954 veturave Mercedes-Benz nga tregu kinez do të fillojë më 18 dhjetor.

Tërheqja është paralajmëruar për disa modele automjetesh të prodhuara ndërmjet viteve 2013 dhe 2017, duke përfshirë klasën C, E, V, GLK, CLS, SLC, GLC SUV dhe VS20 VITO.

Shumica e këtyre automjeteve janë prodhuar në fabrika në Kinë dhe prodhuesi do të zëvendësojë pjesët e diskutueshme për klientët pa pagesë.

Në të njëjtën kohë, në vijim është tërheqja e 4.653 sedanëve të klasës G, me parregullsi në mekanizmin e bllokimit të sigurisë së fëmijëve. Këto janë automjete që janë prodhuar gjatë dy viteve të fundit.

Kalendari

Ngjarjet e datës 13 gusht 2022

- Lidhja Demokratike e Kosovës mban konferencë për medie. (Selia qendrore e LDK-së, ora 12:00)

- Nën përkujdesjen e kryetarit të Komunë së Gjilanit, Alban Hyseni do të bëhet rivarrimi i dëshmorit, Enver Pacolli nga varrezat civile në Hajvali në varrezat e dëshmorëve në Gjilan, për nder të ditëlindjes së tij. (Varrezat e dëshmorëve në Gjilan, ora 12:00)
 
- Mbahet dita e dytë e festivalit “Mal Fest” në Malishevë i cili synon të jetë tradicional dhe objektiv e ka rininë dhe mërgatën e Komunës së Malishevës. (Parku i qytetit në Malishevë, ora 19:00)

- - Në kuadër të Akademisë Verore ‘’Arbën Xhaferi" behët promovimi i librit "Teknologjia e Lajmit" e autort Zylyftar Bregu ku i pranishëm do të jetë edhe kryetari i Komunës së Vushtrrisë Ferit Idrizi poashtu Ambasadori i Shqipërisë, Qemal Minxhozi. (Kalaja e Vjetër e Vushtrrisë, ora 19:30)