01 Dhjetor 2022

Mblidhet Komiteti për Impiantin e Trajtimit të Ujërave të Ndotura

Prishtinë, 20 maj - Gjatë ditës së sotme, në objektin e Impiantit të Trajtimit të Ujit në Shkabaj u mbajt takimi i parë i Komitetit koordinues për Impiantin e Trajtimit të Ujërave të Ndotura.

Në këtë takim morrën pjesë përfaqësues të lartë të Institucioneve vendore dhe ndërkombëtare : kryeshefi ekzekutiv i KRU ” Prishtina ” Sokol Xhafa me zyrtarët e lartë të ndërrmarrjes, znj. Florence Dobelle kryesuese për shërbime ekonomike për rajonin e Ballkanit dhe Danubit, Luigi Brusa përfaqësues i lartë i BE-së, Rene Eschemann përfaqësues nga KFW / Banka Gjermane për Zhvillim me zyrë në Republikën e Kosovës, përfaqësues nga konsulenca për implelementim  ANTEA / BRLi / INFRATEK, Sazan Ibrahimi kryetar i Asociacionit të Komunave të Kosovës,  zyrtarë  nga Zyra e Kryeministrit të Kosovës, përfaqësues të lartë nga komuna e Obiliqit dhe Graçanicës, drejtoresha e  ARRU-së znj. Hajrije Morina, Sekretariati i Këshillit Ndërministror të Ujërave, Ministria e Financave, Ministria e Zhvillimit Ekonomik, etj.

Në këtë takim është diskutuar dhe prezantuar me informacione të përgjithshme përmbajtja dhe komponentet e projektit, qëllimi dhe roli i komitetit drejtues si dhe koordinimi mes donatorëve dhe palëve të interesit për mbeshtetje të këtij projekti gjigant.

Po ashtu,  ata falënderuan menaxhmentin e lartë të KRU ”Prishtina” duke ritheksuar përkushtimin dhe angazhimin e kryeshefit ekzekutiv z. Xhafa për bashkëpunimin e shkëlqyeshëm dhe të gjitha rezultatet e arritura deri në këtë fazë të projektit.

Ky projekt do të ndahet në dy komponente, ndërtimi i Impiantit të Trajtimit të ujërave të ndotura për Prishtinën, Obiliqin, Fushë Kosovën dhe Graçanicën, si dhe komponenta e rrjetit të ujërave të zeza dhe kolektorëve.

Vlera e këtij projekti për Impiantin planifikohet  86 Milion euro  dhe mbi 60 Milion euro komponenta e rrjetit të kolektorëve të ujerave te zeza.

 
 

Kalendari

Ngjarjet e datës 1 dhjetor 2022

- Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Ministrja e Drejtësisë, Albulena Haxhiu zhvillon një vizitë në Agjencinë për Ndihmë Juridike Falas. (Objekti i Agjencisë, ora 13:00) 

- Forumi i Gruas i LDK-së mban konferencë për medie. Tema e konferencës është vrasjet e grave dhe nevoja urgjente për reagim institucional e shtetëror. (Selia qendrore e LDK-së, ora 13:00)

- Partia Demokratike e Kosovës mban sot konferencë për media. (Selia Qendrore e PDK-së, ora 14:00)

- Ministrja e Drejtësisë, Albulena Haxhiu zhvillon një vizitë në Strehimoren në Prizren. (Strehimorja në Prizren, ora 14:30)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)