24 Korrik 2021

Mbahet konferenca e 8-të e përbashkët Ballkanike për Ujin

Prishtinë, 4 nëntor - SHUKALB dhe SHUKOS sot hapin Konferencën dhe Ekspozitën e 8-të të Përbashkët Ballkanike të ujit, e cila do të mbahet si një aktivitet virtual në datat 4-6 nëntor 2020.

Tema e Konferencës është “ Uji dhe Ndryshimet Klimatike” , që është frymëzuar nga Dita Botërore e Ujit 2020, dhe fokusohet te këto dy tema dhe se si lidhen në mënyrë të pandashme me njëra-tjetrën.

Ndryshimet klimatike janë një kërcënim i vërtetë për burimet ujore pasi ndikon në sasinë, ndryshueshmërinë, kohën, formën dhe intensitetin e reshjeve, të ekspozuara përmes ngjarjeve ekstreme të motit, siç janë thatësira dhe / ose përmbytjet, por edhe ngritja e niveleve të detit dhe shkrirja e akullnajave.

Për të trajtuar ndryshimet klimatike, ne kemi nevojë për të zhvilluar dhe zbatuar strategji të adaptimit që integrojnë palët e interesuara në sektorë të ndryshëm dhe të koordinuar dhe përtej kufijve, duke u përqëndruar në menaxhimin e sigurt dhe të qëndrueshëm të ujit. Përtej kësaj, secili prej nesh ka një rol për të luajtur.

Konferenca dhe Ekspozita e Përbashkët Ballkanike është konfirmuar tashmë si eventi më i madh në ndarjen e informacionit dhe networking në sektorin e ujit në Ballkanin Perëndimor, dhe SHUKALB dhe SHUKOS janë të përkushtuar ta bëjnë eventin virtual të këtij viti po aq interesant dhe të vlefshëm për të gjithë pjesëmarrësit.

Pjesëmarrësit do të jenë në gjendje të ndjekin transmetimin e drejtpërdrejtë të sesioneve teknike, sesioneve plenare si dhe diskutimet në panel.

Për më tepër, pjesëmarrësit do të jenë në gjendje të vizitojnë sallën virtuale të ekspozitëse dhe të shikojnë produktet dhe shërbimet e ofruara nga kompanitë tona të sektorit privat që janë aktivë në sektorin e ujit në Rajonin e Ballkanit.
 

Kalendari

Ngjarjet e datës 24 Korrik 2021

- Demokracia në Veprim mban konferencën për media, ku do të publikohet një vlerësim ex-ante i zgjedhjeve lokale të 17 tetorit 2021, që do të shërbej si dokument avokues për t’a avancuar procesin zgjedhor të 17 tetorit.  (Zyrat e KDI-së, ora 11:00)  

- Kandidati për kryetar të komunës së Pejës, Rrustem Berisha, mban konferencë për medie. (Në qendër të qytetit në Pejë, para Selisë së AAK-së, ora 12:00)

- Në kuadër të aktiviteteve “Ditët e Kulturës dhe Turizmit në Deçan” hapet panairi veror në qendër të qytetit, ku do të marrin pjesë me prezantimin e produkteve të tyre një pjesë e madhe e qyteteve të Kosovës po ashtu komunat: Ulqin , Shkodër , Bajram Curri etj. (Qendra e qytetit te Deçanit, ora 16:00)