01 Dhjetor 2022

Maqedonia e Kosova tërheqëse për kompanitë e makinave

Shkup, 18 qershor - Maqedonia është një vend tërheqës për kompanitë e huaja të prodhimit të makinave, disa prej të cilave kanë shfaqur interes për ndërtimin e fabrikave në këtë vend.

Këtë fakt e pohon edhe ministri i Ekonomisë së Maqedonisë, Fatmir Besimi, megjithëse sipas tij, për momentin nuk ka asgjë konkrete. Sipas ministrit Besimi, fuqia punëtore e lirë, kushtet investuese dhe ekzistimi i dy kompanive të jashtme të cilat prodhojnë pjesë për automjete, e bëjnë Maqedoninë destinacion të mundshëm të këtyre kompanive.

“Megjithëse janë zhvilluar takime dhe bisedime të vazhdueshme, deri më tani nuk mund të themi se ka ndonjë kompani që ka vendosur ose paraqitur interes të drejtpërdrejtë për të investuar për momentin, pasi ky është një proces i gjatë”, thekson shefi i Ekonomisë maqedonase.

Ndërkohë, kompanitë evropiane të prodhimit të makinave kanë shprehur interes për të investuar edhe në Kosovë për prodhimin e pjesëve të automjeteve. Përfaqësues të Ministrisë së Tregtisë dhe Industrisë së Kosovës, thonë se një kompani gjermane ka shprehur interes që të investojë edhe në Kosovë.
 
“Një kompani gjermane filloi hapat e parë të studimit të fizibilitetit dhe krijimit të një plan biznesi për fillimin e punës. Por, kriza ekonomike botërore u bë shkak që ajo ta ndërpresë këtë iniciativë. Për momentin kemi disa kompani të vogla që prodhojnë disa pjesë për kompani të tjera”, shprehet Mustafë Hasani, përfaqësues nga kjo ministri.

Këto komente u bënë gjatë zhvillimit të konferencës për zhvillimin e industrisë së makinave në Ballkanin Perëndimor, të organizuar nga Organizata për zhvillim dhe bashkëpunim ekonomik (OECD). 

Kalendari

Ngjarjet e datës 1 dhjetor 2022 - Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Ministrja e Drejtësisë, Albulena Haxhiu zhvillon një vizitë në Agjencinë për Ndihmë Juridike Falas. (Objekti i Agjencisë, ora 13:00) 

- Forumi i Gruas i LDK-së mban konferencë për medie. Tema e konferencës është vrasjet e grave dhe nevoja urgjente për reagim institucional e shtetëror. (Selia qendrore e LDK-së, ora 13:00)

- Ministrja e Drejtësisë, Albulena Haxhiu zhvillon një vizitë në Strehimoren në Prizren. (Strehimorja në Prizren, ora 14:30)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)