16 Maj 2022

Komuna e Vushtrrisë përkrahë projektin për zhvillimin e minierës në Dubovc

Vushtrri, 8 tetor - Bazuar ne  Vendimit të Qeverisë së Kosovës me Nr. 17/63    me të cilin aprovohet shqyrtimi i mëtejmë i kërkesës për shpronësim  për interes publik të  pronave të paluajtshme të   pronarëve  dhe zotëruesve të interesit të cilat janë të nevojshme për sigurimin e të drejtës për shfrytezim të tokës,  me qëllim  të shfrytëzimit te mineraleve të dobishme – magneziteve nga  Kompania BISEK-sh.p.k  me seli në  Poloni. Sipas procedurave të vendimit të Qeverisë , për  Zonat Kadastrale Dubovc dhe Galicë, Komuna Vushtrrisë u organizua dëgjim publik në KK. Për procedurat e shpronësimit, komunitetin e njoftoi Drejtori i Departamentit për shpronësim në kuadër të MMPH-së Afrim Murati.
 
Drejtori i KPMM-së Z. Ramiz Krasniqi i njoftoi të pranishmit në dëgjim publik se Ndërmarrja “BISEK” SH.P.K. i plotëson të gjitha kushtet për marrje të licencës së shfrytëzimit. Ndër të tjera tha se ka rezerva mbi një milion ton të mineralit të magnezitit. Investimet që parashihen brenda pesë viteve do të jenë pesë milionëshe, derisa punësimi i komunitetit do të jetë rreth njëqind punëtorë. Komuniteti e shprehu gatishmërinë për të mbështetur projektin bazuar në proceduat ligjore.

Shqetësimi kryesor,  ishte si do të bëhet forma e shpronësimit pasi që ata kanë çështje të parregulluara pronësore, andaj komuniteti kërkoi nga  organet kompetente të krijojnë rrethana lehtësuese për bartje të pronës, tek pronarët legjitim.

Veç tjerash komuniteti lokal ishte i interesuar mbi mënyrën e shpronësimit dhe kompenzimit,  si formë e menjëhershme apo me faza. Drejtori i Departamentit për shpronësim në kuadër të MMPH-së konfirmoi se shpronësimi do të jetë i përnjëhershëm.
Drejtori i KPMM-së e shprehu përkrahjen e KPMM-së për komunitetin dhe potencoi  se secila ndërmarrje patjetër duhet ti  respektoj Ligjet dhe rregulloret në fuqi për shfrytëzimin e resurseve minerale, mbrojtjen e mjedisit dhe rikultivimin e pronave të shfrytëzuara pas mbylljes së minierave.

Pjesmarrës në dëgjim ishin Bordi i KPMM-së, pjesëmarrës nga MMPH-ja, KK Vushtrri, pronari i ndërmarrjes “BISEK” SH.P.K. Mihail Bisek si dhe komuniteti i fshatrave Dubovc dhe Galicë.

Në vazhdim, takimit i`u  bashkua edhe Kryetari i KK të Vushtrrisë z. Xhafer Tahiri, i cili falënderoi KPMM-në, MMPH-në dhe të gjitha institucionet dhe individët që kanë dhënë dhe janë duke dhënë kontribut për zhvillimin e këtij projekti, ndërsa si Komunë shprehu mbështetjen e pa rezervë për këtë projekt, dhe njëherit ftoi komunitetin për përkrahje drejt zhvillimit të këtij projekti.
 

Kalendari

Ngjarjet e datës 16 maj 2022

- Akademia Diplomatike e Ministrisë së Punëve të Jashtme dhe Diasporës, në bashkëpunim me Friedrich Ebert Stiftung, hapin nesër në Pejë edicionin e 8-të të Shkollës Diplomatike Verore. (Hotel Dukagjini në Pejë, ora 9:00)

- Kryetari i Kuvendit të Republikës së Kosovës, Glauk Konjufca, viziton familjen e veprimtarit Ukshin Hoti. (Krushë e Vogël, ora 9:50)

- Mbahet mbledhja e Qeverisë së Kosovës, e cila do të udhëhiqet nga Zëvendëskryeministri i Parë i Republikës së Kosovës për Integrim Evropian, Zhvillim dhe Dialog, Besnik Bislimi. (Ndërtesa e Qeverisë, ora 10:00‪)

- Konstituohet  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës. (Ndërtesa e Kuvendit, salla N204, ora 10:00)

- ECIKS organizon ngjarjen përmbyllëse të programit Access - “Qasja në Treg dhe Shërbimet e Digjitalizimit për Bizneset Kosovare”, program ky i cili përgjatë katër viteve pati për qëllim të lehtësojë zhvillimin dhe transformimin digjital në sektorin privat dhe publik në Kosovë. (Hotel Emerald, ora 10:00)

- Në kuadër të Ditëve të Gjuhës Gjermane në Kosovë, Goethe Zentrum hap dyert për të gjithë të interesuarit për tu njoftuar me ofertart e tyre. (Goethe Zentrum në Prishtinë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me ekspertin e angazhuar nga UN Women lidhur me përfundimin e draftligjit për mbrojtje nga dhuna në familje dhe dhuna në baza gjinore. (Ndërtesa e Kuvendit, salla N302, ora 11:00)

- OJQ Aktiv ka kënaqësinë t'ju ftojë në promovimin e ueb faqes “Miqësia Serbo-Shqiptare”. (Qendra e Energjisë Qytetare në Mitrovicë, Mbreti Petri I, 183a, ora 11:00)

- Me rastin e 23-vjetorit të zhdukjes së profesorit, politologut dhe luftëtarit të paepur të çështjes kombëtare Mr. Ukshin Hoti, do të bëhet një vizitë në Shtëpinë Muze të Ukshin Hotit. (Fshati Krushë e Madhe, ora 11:00)

 - Mbahet mbledhja e Kryesisë së Kuvendit të Kosovës. (Ndërtesa e Kuvendit, salla C 301, ora 11:00)

- Mbahet ceremonia e hapjes zyrtare e edicionit te dytë të panairit Max fest. (Sheshi Zahir Pajaziti, ora 11:00)

-  Komisioni për Ekonomi, Industri, Ndërmarrësi dhe Tregti shqyrtion raportin me rekomandime për Projektligjin për turizmin dhe raportin vjetor të Komisionit të Pavarur për Miniera dhe Minerale. (Ndërtesa e Kuvendit, salla N10, ora 12:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Brestoc, Hoçë e Vogël. (Objektet e shkollave fillore të fshatit Brestoc dhe Hoçë e Vogël, ora 17:00)

- Në kuadër të Ditëve të Gjuhës Gjermane në Kosovë, shfaqet filmi "Sami, Joe und ich" nga Karin Heberlein si dhe mbahet diskutim me temë "Diaspora në Kinema: Promovimi i imazhit të Kosovës në vende gjermano folese. (Kinema Armata, ora 18:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Nagac dhe Celinë. (Objektet e shkollave fillore të fshatit Nagac dhe Celinë, ora 18:00)

- Shfaqet premiera e dokumentarit “Babai dhe Babai”. (Muzeu Etnologjik “Emin Gjiku” në Prishtinë, ora 20:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatit Krushë e Madhe. (Shtëpia e Kulturës “Muhamet Malsori”, ora 20:00)