02 Shkurt 2023

KFOR-i Amerikan dhe Italian mbështesin KRU ''Prishtina''

Prishtinë, 2 korrik - Kompaninë Rajonale të Ujësjellësit “Prishtina” gjatë ditës së sotme e vizituan përfaqësues të LMT nga KFOR-it Amerikan-Italian.

Sokol Xhafa u.d. kryeshef ekzekutiv shprehu falënderim të veçantë për interesimin e tyre të vazhdueshëm në mbështetje të realizimit të projekteve  investive, që ndërlidhen me mirëqenien e  qytetarëve të vendit.

Përgjatë kësaj vizite ata u njoftuan  me të gjitha aktivitetet e kompanisë, duke u nisur nga furnizimi me ujë të pijshëm në tetë komunat e menaxhuara nga kjo kompani (me theks periudha e pandemisë dhe vapës së madhe), nivelet e ujit në liqenet akumuluese sipërfaqësore Batllava e Badoci, problemet në rrjetin primar, sekondar dhe terciar të ujësjellësit dhe rehabilitimin e tyre, donacionet /grantet, shkalla e arkëtimit, investimet kapitale, rrjetin e ujërave të zeza , etj.

Përfaqësuesit  e LMT të KFOR-it  Amerikan dhe Italian, u shprehën të gatshëm për bashkëpunim të mëtejmë dhe falënderuan kryeshefin Xhafa për pritjen dhe gatishmërinë për të diskutuar rreth  investimeve infrastrukturore dhe vlerësuan  përkushtimin e tij në realizimin e objektivave për t’u ofruar shërbime gjithnjë e më cilësore konsumatorëve në zonat operative.

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)