23 Shtator 2021

Jaguar përgatit modelin elektrik XJ

Romë, 11 shkurt - Sipas pohimeve të burimeve të afërta më prodhuesit, Jaguar në bashkëpunim me Lotus ka shpikur dhe prodhuar versionin elektrik të modelit XJ, i cili aktualisht është në fazë të testimit.

Deri më tani nuk ka asnjë lloj të dhënash zyrtare për motorizimin e tij, autonominë e gjëra të ngjashme, megjithatë disa imtësira kanë rrjedhur në publik.

Merret vesh se modeli elektrik XJ do të ketë elektromotor me bateri litium-jon. Fuqia e motorit do të jetë rreth 200 kuaj fuqi, e momenti më i madh i rrotullimit rreth 400 Nm. Baterive do t\'u ndihmojë edhe motori 1.2 litërsh prej tre cilindrash me fuqi prej 50 kuaj fuqi i punuar nga ana e Lotusit.

Supozohet se autonomia e këtij automjeti do të jetë deri në 1.000 kilometra, derisa shpenzimi mesatar do të sillet në më pak se pesë litra për 100 kilometra të kaluara.

Duke marrë parasysh se strukturën bazë të modelit XJ e ndajnë edhe modelet e Range Rover pritet që kjo teknologji të bartet edhe tek ta në të ardhmen.

Tani për tani nuk dihet se kur ky automjet do të ofrohet në treg, ani pse dalja e tij duket të mos jetë në pikëpyetje.

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)