03 Shkurt 2023

Hungaria ndihmon Mitrovicën për furnizim me ujë të pijshëm

Mitrovicë, 5 shkurt - Drejtori i Drejtorisë për Infrastrukturë dhe Shërbime Publike në Komunën e Mitrovicës, Rasim Veseli, me bashkëpunëtorë ka pritur të premten në takim ambasadorin e Hungarisë në Kosovë, Imecs Zoltani, i cili është interesuar për të ndihmuar këtë komunë në aspektin e furnizimit më ujë të pijshëm. 

Ai ka thënë së disa kompani nga Hungaria kanë shprehur interesim që të ndihmojnë disa komuna të Kosovës për të zbutur problemet që kanë për furnizim me ujë të pijshëm. Në këtë kontekst, ai ka theksuar se Mitrovica është prioritet andaj fillimisht do të niset me punë në këtë qytet.

Ambasadori Zoltani, tha se para se të niset ndonjë projekt konkret në Mitrovicë do të vijnë ekspertë hungarez, të cilët do të vlerësojnë nevojat që ekzistojnë dhe gjendjen e ujësjellësit dhe rrjetit ekzistues. “Ne jemi të gatshëm të ndihmojmë, megjithatë paraprakisht do të shohim nevojat dhe do të krijojmë një pasqyrë të gjendjes ekzistuese”. 

Në anën tjetër, drejtori Veseli, e ka falënderuar ambasadorin hungarez për gatishmërinë për të ndihmuar dhe mandej e ka njoftuar në vija të trasha me problemet kryesore sa i përket furnizimit me ujë të pijshëm. Ai ka thënë se problemi kryesor është rrjeti i vjetruar që ka për pasojë edhe humbjen e një sasie të konsiderueshme të ujit.

Ai ka thënë se janë në kontakt edhe me disa organizata të vendeve të ndryshme perëndimore, të cilat kanë shprehur gatishmëri për të ndihmuar në këtë drejtim.  Ndërsa për kompanitë hungareze, drejtori Veseli, ka premtuar se për disa ditë do të përgatis një raport të hollësishëm për gjendjen e ujësjellësit ekzistues si dhe për gjendjen e rrjetit shpërndarës. 

    
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)