08 Shkurt 2023

Gjilani shpall javën e barazisë gjinore nëpër shkolla

Gjilan, 28 shkurt - Drejtori i Drejtorisë së Arsimit ne komunën e Gjilanit, Nazim Gagica, prej 2-6 mars e shpall javën e barazisë gjinore nëpër të gjitha shkollat e komunës.

Gagica njofton se kjo iniciativë bëhet nw bashkëpunim me Komitetin për Barazi Gjinore, Komitetin e Arsimit dhe Zyrën Rajonale te OSBE-së në kuadër të aktiviteteve për shënimin e Ditës Ndërkombëtare të Gruas- 8 marsin.

Gagica thekson se Drejtoria Komunale e Arsimit e mirëpret këtë aktivitet ngase, jo vetëm që bën sensibilizimin e gjeneratave të reja për rolin e gruas në histori, por edhe e ngrit kulturën e debatimit për barazine gjinore nëpër shkolla, gjë e cila kërkohet edhe me Ligjin për Barazi Gjinore.

Për më tepër, Gagica njofton se ky projekt eshtë organizuar edhe ne vitin 2019 dhe duke e parë si të suksesshem, do të organizohet në vazhdimësi me qëllim që temat e rëndësishme si kjo të jenë pjesë e edukimit dhe arsimit brenda orëve të edukatës qytetare dhe të historisë.

 

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)