30 Janar 2023

Gjermania ndihmon me 1,5 miliardë euro Opel-in

Berlin, 10 shkurt - Koncerni i prodhimit të automjeteve Opel do të shkurtojë në Evropë 8.300 vende pune.

 

Sipas të dhënave të shefit të koncernit Nick Reilly gjatë prezantimit të konceptit për rimëkëmbjen në Frankfurt mbi Main të prekur janë 1.300 vende pune në administratë dhe 7.000 në prodhim.

Vetëm në Gjermani preken nga shkurtimet rreth 3.900 vende pune. Reilly njoftoi në të njëjtën kohë që koncerni mëmë General Motors dëshiron të investojë në pesë vitet e ardhshme 11 miliardë euro tek Opeli dhe në markën motër Vauxhall.

Sipas Reilly-t, Gjermania do të marrë pjesë me një ndihmë shtetërore prej 1,5 miliardë eurosh. Paratë do të merren nga i ashtuquajturi \"Fondi i Gjermanisë\", që qeveria e kishte krijuar në kohën e krizës për sipërmarrjet nevojtare. 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)