24 Shtator 2021

Gazpromi rus për herë të parë që nga themelimi po operon me humbje

Moskë, 19 maj - Portali rus, “Lenta.ru”, raporton se kompania më e madhe ruse e prodhimit dhe tregtimit të gazit, Gazprom, për herë të parë që nga themelimi e përfundon tre mujorin e parë me humbje.

Tradicionalisht periudha e dimrit ku hynë tre mujori i parë, janar-prill, është periudha më fitimprurëse për kompaninë, pasi që kërkesat për gaz dhe çmimet janë më të larta.

Por këtë vit si pasoj e rënies së kërkesave për gaz, rënies së çmimeve të gazit si dhe pandemia e COVID-19, kanë ndikuar që kompania tremujorin e parë ta mbyllë me humbje prej rreth 4.2 miliardë dollarë.

Në vitin e kaluar kompania në tremujorin e parë kishte raportuar fitim prej rreth 2.7 miliardë dollarë.

Vitin e kaluar deri në fund të vitit fitimi ishte rritur por për shkak të vendimit të Gjykatës së Arbitrazhi të Stokholmit, për tija paguar Naftagazit ukrainas, gjobën në vlerë prej mbi 2.5 miliardë dollar, fitim i Gazprom në fund  të vitit ishte vetëm rreth 2.2 miliardë dollarë.

Duke e ditur që tremujori i parë në aspektin financiar është më i miri, Gazprom pritet ta mbyllë fund vitin me humbje edhe më të mëdha, çka do të ndikoj negativisht në buxhetin e Federatës Ruse, buxhet i cili kryesisht bazohet në të hyrat nga nafta dhe gazi.

Kalendari

Ngjarjet e datës 24 Shtator 2021

- Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Banka Qendrore e Kosovës mbanë konferencë për shtyp. (Objekti i BQK-së, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)