27 Shtator 2021

Ford mbyll dy fabrika në SHBA për shkak të rasteve me Covid-19

Washington, 21 maj - Kompania Ford Motor të mërkurën mbylli përkohësisht dy fabrika në Shtetet e Bashkuara, ndërsa pandemia e koronavirusit goditi rëndë planet e prodhuesit numër dy të makinave në Amerikë për rifillimin e prodhimit të automjeteve të saj më fitimprurëse në Amerikën e Veriut.

Kompania Ford mbylli fabrikën e saj në Dearborn të Miçiganit për shkak se një punonjës rezultoi pozitiv me COVID-19, ndërsa fabrika e saj në Çikago u mbyll për shkak të mungesës së pjesëve, tha zëdhënësja e kompanisë, Kelli Felker.

Ford nuk pranoi të zbulonte se cili furnizues kishte probleme, por një person i njohur me këtë çështje i tha agjencisë së lajmeve Reuters se Korporata Lear kishte mbyllur një fabrikë në Hamond të Indianës. Korporata Lear më vonë konfirmoi në një email se kishte mbyllur fabrikën për shkak të infektimit të një punonjësi me Covid-19.

Kjo është dita e dytë me radhë që kompania Ford ishte detyruar të mbyllte fabrikën e saj në Çikago. Të martën Ford e mbylli fabrikën e saj në Çikago pasi dy punonjës në orare të ndryshme gjithashtu rezultuan pozitiv me Covid-19. Fabrikat në Dearborn dhe Çikago pritet të rifillojnë prodhimin shumë shpejt, tha zëdhënësja Felker.

Punonjësit në Dearborn dhe Çikago ishin infektuar jashtë vendit të punës, tha zonja Felker. Fabrika në Dearborn prodhon kamionin shumë fitimprurës F-150, ndërsa ajo në Çikago prodhon makinat Ford Explorer dhe Lincoln Aviator.

Industria amerikane e makinave, përfshirë Fordin, rihapi shumë fabrika të hënën pas një mbyllje të gjatë për shkak të pandemisë së koronavirusit. Fordi dhe prodhuesit e tjerë të makinave dhe pjesëve të tyre vendosën masa të reja sigurie ndaj koronavirusit në fabrikat e tyre, duke përfshirë kontrollet shëndetësore të punonjësve që hyjnë në ndërtesë, përdorimin e maskave dhe distancimin fizik në linjat e prodhimit, aty ku është e mundur.

Rihapja e fabrikave është një provë që po ndiqet nga afër për të parë nëse punonjësit në një gamë të gjërë të industrive amerikane do të jenë në gjendje të rikthehen në uzina në një numër të madh pa ringjallur frikën e rritjes së infeksioneve.

Kompanitë General Motors dhe Fiat Chrysler Automobiles NV thanë të mërkurën se ata nuk kishin patur asnjë problem në fabrikat e tyre në Amerikën e Veriut.

Kalendari

Ngjarjet e datës 27 Shtator 2021

- Kryeministri i Republikës së Kosovës, Albin Kurti pret me ceremoni shtetërore Kryeministrin e Republikës së Shqipërisë, Edi Rama, dhe anëtarë të kabinetit qeveritar të Shqipërisë. (Sheshi "Skënderbeu", ora 8:50 - Mediet të jenë të pranishme më së largu, ora 8:10)

- Me rastin e fillimit të vitit të ri shkollor 2021-22 kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Kabashit" në Korishë. (Korishë, ora 9:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Lekë Dukagjini" në "Gani Saramati". (Objekti i shkollës, ora 9:30)

- Kryeministri i Republikës së Kosovës, Albin Kurti dhe Kryeministri i Republikës së Shqipërisë, Edi Rama, mbajnë konferencë për media në ora 10:20 - Mediat e akredituara duhet të jenë më së largu në ora 10:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për identifikimin elektronik dhe shërbimet e besuara në transaksionet elektronike. (Ndërtesa e Kuvendit, salla N506, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Abdyl Frashëri" në "Rexhep Hyseni". (Objekti i shkollës, ora 10:15)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Zhurit" në Zhur. (Zhur, ora 11:15)

- Komisioni Qendror i Zgjedhjeve mban mbledhjen e radhës . (Ndërtesa e KQZ-së, ora 11:30) 

- Konstituohet Komisioni Ad hoc për përzgjedhjen e kandidatëve për anëtarë të Bordit të RTK-së. (Ndërtesa e Kuvendit, salla N10, ora 12:00)

- Kuvendi i Sociologjisë në kuadër të Departamentit të Sociologjisë në Universitetin e Prishtinës organizon promovimin e librit të Gëzim Selacit, "Legjitimiteti politik në Kosovë". (Biblioteka Kombëtare e Kosovës, ora 12:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave ndërtimit të shkollës së re “Zef Lush Marku” në Velezhë. (Velezhë, ora 12:00)

- Drejtoresha e Drejtorisë së Turizmit dhe Zhvillimit Ekonomik në Komunën e Prizrenit, Sevil Liman Kazaz do të bëjë prezantimin e raportit të punës 4 vjeçar të kësaj drejtorie. (Salla e mbledhjeve të Kuvendit Komunal, ora 14:00)