Prishtinë, 8. qershor – Ministri i Jashtëm i Sllovenisë, Samuel Zhbogar gjatë vizitës së nesërme në Kosovë do të vendos gurë themelin e ndërtimit të pajimeve për deponim te derivateve të naftës ne fshatin Dobrevë të Komunës se Fushë Kosovës, investitor të së cilit janë Oti Petrol nga Prishtina dhe Petroll Sllovenia nga Lubjana.

Ministri Zhbogar do te ketë takime me kryeministrin e Kosovës, Hashim Thaçi, ministri e jashtëm Skënder Hyseni dhe me u.d. të kryetarit të Odës Ekonomike të Kosovës, Safet Gërxhaliu.

Marrëveshja për realizimin  e këtij dhe disa projekteve tjera është nënshkruar gjatë vizitës së kryetarit të Sllovenisë Danilo Tyrk në Kosovë vitin e kaluar dhe kap shumën prej 30 milion euro.

Realizimi i këtij projekti paraqet implementimin e fazës së parë të kësaj marrëveshje.