08 Shkurt 2023

EBA gjen 22 miliardë fuçi rezerva të naftës në Abu Dhabi

Abu Dhabi, 23 nëntor - Emiratet e Bashkuara Arabe (EBA) kanë gjetur rezerva të mëdh të naftës në Abu Dhabi, bëri të ditur Këshilli i Lartë i Naftës (SPC) i këtij vendi.

Zbulimi i ri në breg vlerësohet të ketë 22 miliardë fuçi rezerva jokonvencionale të rikuperueshme, tha Sheikh Mohamed bin Zayed Al Nahyan, i cili është po ashtu është nënkryetar i SPC-së, gjatë një takimi virtual.

KLN po ashtu njoftoi një shtesë prej 2 miliard fuçi rezervash konvencionale të naftës, duke sjellë rezervat e saj të rikuperueshme deri në 107 miliardë dhe duke forcuar pozicionin në renditjen globale si mbajtësi i gjashtë i rezervave më të mëdha të naftës.

Zbulimi i ri i EBA-së erdhi pasi vendi njoftoi në nëntor se ka zbuluar rezerva të reja hidrokarbure që përfshijnë 7 miliardë fuçi naftë dhe 1,64 trilion metra kub gaz konvencional dhe burime jokonvencionale të rikuperueshme të gazit prej 4,53 trilionë metra kub.

"Këto shtesa në rezervat e hidrokarbureve të Emirateve të Bashkuara Arabe shënuan një moment historik për vendin që nga azhurnimi i fundit i madh i bazës së rezervave të saj tre dekada më parë", theksohet në një deklaratë nga Kompania Kombëtare e Naftës e Abu Dhabi (ADNOC).

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)