17 Shtator 2021

Deputetët interesohen për ndikimin e ligjit për rimëkëmbje ekonomike në sektorin minerar

Prishtinë, 12 maj - Komisioni për Ekonomi, Industri, Ndërmarrësi dhe Tregti i kryesuar nga kryetari Ferat Shala, sot realizoi vizitë në Komisionin e Pavarur për Miniera dhe Minerale, për tu informuar me punën e këtij institucioni.

Në këtë takim anëtarët e Komisionit u pritën nga Avdi Konjuhi, anëtar i bordit të KPMM-së, me bashkëpunëtorë.

Konjuhi dhe zyrtarët tjerë të KPMM-së informuan deputetët për punën e KPMM-së dhe sfidat që e përcjellin punën e këtij komisioni.

Drejtuesit e KPMM-së sfida kryesore i konsideruan: sigurinë në punë, vonesat e lëndëve në procese gjyqësore, ndalimin e operimeve ilegale, mos miratimin e ligjit të ri për miniera dhe minerale, si dhe mungesën e bordit.

Nga ana tjetër deputetët u interesuan për ndikimin e ligjit për rimëkëmbje ekonomike në sektorin minerar, detyrimet e operatorëve minerarë, operimet ilegale, pasojat e veprimtarisë minerare në mjedis, bashkëpunimin ndërinstitucional dhe çështje tjera nga fushëveprimtaria e KPMM-së.

Po ashtu deputetët konfirmuan gatishmërinë e tyre për bashkëpunim në zgjidhjen e problemeve në sektorin minerar.

Zyrtarët e KPMM-së sqaruan çështjet e ngritura dhe potencuan se nuk do të lejojnë shfrytëzimin e resurseve jashtë planit dinamik të paraparë.

Në fund të dyja palët konstatuan se është i nevojshëm përshpejtimi i zgjedhjes së bordit të KPMM-së, koordinimi më i mirë institucional për të ndalur operimet ilegale, si dhe krijimi i kornizës më të qartë ligjore.​

Kalendari

Ngjarjet e datës 17 Shtator 2021 - Kuvendi i Komunës së Prizrenit do të mbajë mbledhjen e jashtëzakonshme lidhur me përgatitjet për fillimin e vitit të ri shkollor. (Salla për mbledhjet e Kuvendit të Komunës, në Shtëpinë e Bardhë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues nga Iniciativa e Pavarur e të Verbërve të Kosovës. (Ndërtesa e Kuvendit, salla N303, ora 10:00)

- Presidentja e Republikës së Kosovës, Vjosa Osmani pret në takim të dërguarin e Bashkimit Evropian për dialogun, Miroslav Lajčák. (Kabineti i Presidentes, ora 10:10 - vetëm pamje në fillim të takimit)

- Komuna e Deçanit organizon promovimin e librit  “Krimet serbe në Kosovë” nga autori  Prof. Adem Lushaj. (Salla e Asamblesë Komunale në Deçan, ora 10:00)

- Nen përcjelljen e Forces së Sigurisë se Kosovës mbahet ceremonine e rivarrimit te dëshmorit Mehmetali Behluli. (Kompleksi i Varrezave te Dëshmoreve në Gjilan, ora 11:00)

- Federata e Sindikatave të Shëndetësisë së Kosovës proteston para ministrisë së Shëndetësisë, lidhur me nxjerrjen e udhëzimit administrativë për shtesat mbi pagë të bazuar në Ligjin për luftimin dhe parandalimin e pandemisë. (Para ministrisë së Shëndetësisë, ora 11:00)

- Ministrja e Ekonomisë, Artane Rizvanolli, mban konferencë për media lidhur me Marrëveshjen e bashkëpunimit me Maqedoninë e Veriut dhe zhvillimet në sektorin e energjisë. (Ndërtesa e Qeverisë, ora 11:30)

- Kryetari i Komunës së Prizrenit, Mytaher Haskuka do të merr pjesë në aktivitetin "Dita pa Makina" të organizuar nga Drejtoria e Shërbimeve Publike. (Sheshi i Dëshmorëve, ora 14:00)

- Lëvizjes Vetëvendosje! në Prizren.do të bëj prezantimin e kandidatëve për asamblistë. (Hapësirat e Lidhjes së Prizrenit, ora 18:00)