30 Janar 2023

“Daimler” nën akuzë për dhjetëra milionë dollarë ryshfet

Berlin, 26 mars - Kompania e fuqishme gjermane e prodhimit të makinave, “Daimler”, dhe tri nëndegë të saj, janë akuzuar dje për pagesë ryshfetesh ndaj një numri të madh qeverish të botës. Këto akuza janë bërë në një gjykatë në Shtetet e Bashkuara të Amerikës.

“Daimler”, që prodhon makinat “Mercedes-Benz”, thuhet se i ka bërë pagesat në harkun kohor nga viti 1998 deri në 2008. Departamenti Amerikan i Drejtësisë ka akuzuar kompaninë për pagimin e dhjetëra milionë dollarëve në formë ryshfeti për zyrtarët e lartë të paktën 22 qeverive të ndryshme të botës, ndër të cilat përfshihej Kina, Rusia, Egjipti dhe Greqia.

Qëllimi i këtyre pagesave ka qenë arritja e bindjes së qeverive përkatëse për blerjen e makinave “Daimler” në marrëveshje që kishin vlerën e qindra milionë dollarëve. Një nga akuzat bën fjalë se “Daimler” i ka paguar ryshfete edhe qeverisë së Irakut për sigurimin e shitjes së makinave, duke dhunuar një pjesë të Programit të Organizatës së Kombeve të Bashkuara “Nafta në këmbim të ushqimit”.

Një tjetër akuzë është ajo se “Daimler” i dha një zyrtari në Turkmenistan një makinë të blinduar, me rastin e ditëlindjes së tij për ta inkurajuar dhe nxitur që të ndikonte në lidhjen e një kontrate mes kompanisë dhe qeverisë së Turkmenistanit për shitjen e makinave. Ligji amerikan i ndalon kompanitë që operojnë në tregun amerikan që të bëjnë pagesa ryshfetesh ndaj zyrtarëve të vendeve të tjera.

Sipas disa agjencive lajmesh, “Daimler”, që është drejtuar nga shefi ekzekutiv, Dieter Zetsche, që nga viti 2006, po përgatitet që të paguajë një gjobë prej 185 milionë dollarësh në favor të Departamentit Amerikan të Drejtësisë dhe Komisionit të Sigurimeve dhe Shkëmbimeve.

Nëse kjo do të ndodhë, atëherë rasti i “Daimler” do të përbëjë edhe rastin e fundit gjyqësor në lidhje me akuzat për mitëmarrje mes qeverisë amerikane dhe kompanive të huaja që operojnë në Amerikë. “Siemens” ra dakord që të paguante 1.3 miliardë dollarë për t’i dhënë fund gjyqit për korrupsion të hapur në Shtetet e Bashkuara. “Daimler”, më parë ka bashkëpunuar gjithmonë me hetuesit në rastin e hetimeve të hapura për çështje të ndryshme.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)