11 Gusht 2022

Aksionet e "Gazprom"-it bien 27 për qind

Moskë, 1 korrik - Kompania ruse e energjisë Gazprom ka humbur më shumë se një të katërtën e vlerës së saj të tregut pasi vendosi të mos paguajë dividentën, për herë të parë që nga viti 1998.

Aksionet e kompanisë ranë deri në 27 për qind pasi aksionarët njoftuan në mbledhjen vjetore se votuan kundër pagesës së dividentëve për vitin 2021.

Zëvendësi i drejtorit ekzekutiv të Gazprom-it, Famil Sadygov tha se aksionarët kanë vendosur që pagesa e dividentëve për vitin 2021 nuk rekomandohet në situatën aktuale.

Ai vuri në dukje se Gazprom do të fokusohet në furnizimin me gaz në disa rajone në Rusi, duke u përgatitur për dimër dhe duke paguar taksa të rritura.

Bordi i drejtorëve të Gazprom-it rekomandoi dividentë rekord prej 52.53 rubla për aksion në maj për shkak të rritjes së çmimeve të gazit.

Gazprom është kompania më e madhe ruse, eksploatuesi më i madh i gazit natyror në botë dhe një nga kompanitë më të mëdha në botë.

 

Kalendari

Ngjarjet e datës 11 gusht 2022

- Handikos organizon ceremoninë e shpërndarjes së 70 karrocave për personat me aftësi të kufizuara, donacion nga Izraeli, ku do të marrin pjesë ambasadorja e Izraelit, znj. Tammy Ziv, ministrja e Ministrisë për Punë të Jashtme dhe Diasporë,  znj. Donika Gërvalla dhe ministri i Administrimit të Pushtetit Lokal, Elbert Krasniqi. (Qendra e Resurseve për Personat me Aftësi të Kufizuara Adresa: Veternik, ora 10:00)

- Grupi i asamblistëve të Lëvizjes Vetëvendosje në Komunën e Prishtinës mban konferencë për media. (Selia qendrore e Vetëvendosjes, ora 11:00)

- Në qytetin e Vushtrrisë organizohet Akademia Verore "Arbën Xhaferi‘’ edicioni i II-të. (Kalaja e Vjetër të Vushtrrisë, ora 17:00)