18 Qershor 2021

Transiti i gazit rus përmes Ukrainës ulet me 10 për qind

Moskë, 17 maj - Transiti i gazit rus përmes Ukrainës për periudhën janar-prill 2021, ka qenë 14.1 miliardë metra kub, që është për 10% më pak, se ne të njëjtën periudhe të vitit 2020.

Kapacitetet për transitin e gazit rusë përmes Ukrainës janë shumë herë më të mëdha sesa sasia që tani transportohet.

Ukraina dhe Rusia ne të kaluarën kishin pasur mospajtime për rentën dhe mënyrën e transitit të gazit rusë.

Për këtë qellim në vitin 2019 ishte arritur marrëveshje në mes të Naftogazit Ukrainas dhe Gazpromit Rus.

Marrëveshja ishte bërë për periudhën pesë vjeçare dhe parasheh sasinë dhe rentën për kalimin transit.

Arsyeja e zvogëlimit të transitit të gazit rus përmes Ukrainës, për shtetet e Evropës perëndimore është rënia e kërkesës për gazin rusë.

Viteve të fundit vërehet rënie konstante e kërkesës për gazin rusë, që thuhet se është si pasoj e rritjes së sasisë të gazit të lëngët me të cilin ka filluar të furnizohet Evropa, si dhe lëshimi së fundi i Gazsjellësit "Trans Adriatic Pipeline" (TAP), gazsjellës që kalon përmes Shqipërisë, e që furnizon shtetet e Evropës perëndimore me gaz nga Azerbajxhani.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)