09 Dhjetor 2021

Termokos me 1 mars ndërprenë sezonin ngrohës 2009/2010

Prishtinë, 26 janar - Me vendimin e Bordit të Drejtorëve dhe pas paralajmërimeve të njëpasnjëshme lidhur me situatën e vështirë financiare në të cilët gjendet N.Q “Termokos” sh.a, për shkak të inkasimit jo të kënaqshëm dhe të borxheve ndaj kontraktorit të mazutit, “Termokos” ndërprenë sezonin ngrohës 2009/2010, të hënën më 01 mars’10.

Gjendja e tillë e krijuar pas borxheve të konsumatorëve të cilët vetëm për dy sezonet e fundit i kanë borxhe Termokosit mbi tre milion e 260 mijë €, si dhe borxhet ndaj kontraktorit të mazutit, që për shkak të rritjes enorme në Berzën Botërore, ka arritur shifren 1,783.913.96 €, kanë pamundësuar vazhdimin e sezonit ngrohës deri në afatin e paraparë, më 15 prill.

Menaxhmenti i NQ “Termokos” sh.a, ka shpreh gatishmërinë që me mjete vetanake të furnizoi me ngrohje vetëm QKUK, si institucion më të ndjeshëm, gjithnjë me qëllim që të mos lërë në të ftohtë pacientët dhe personelin e atjeshëm.

Ngrohtorja e Spitalit do të furnizohet me naftë për nevojat e dy kaldajave, të cilat bazuar në kalkulimet e Departamentit të Prodhimit do të kenë shpenzime ditore mbi 600 litra naftë në orë. Në këtë ngrohtore punohet me gjenerator, i cili poashtu ka shpenzime enorme në 20 litra naftë në orë pune. Duke marrë parasysh se 250 mijë litra naftë i nevojiten Ngrohtores së Spitalit përgjatë një muaji për të ngrohur hapësirat e QKUK-së, shpenzimet do të jenë trefish më të mëdha sesa ato të mazutit.

Bordi i Drejtorëve dhe Menaxhmenti i NQ “Termokos” sh.a, gjendet në situatë aspak të dëshiruar nga borxhet e mëdha të konsumatorëve ndaj Termokosit të cilët e kanë sjellur në një gjendje të vështirë financiare si dhe ngritjen rapide të çmimit të mazutit në Berzën Botërore, përkatësisht borxhet e Termokosit ndaj kontraktorit të mazutit. 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)