01 Korrik 2022

Temperaturat në Spanjë shkojnë në 44 gradë në mes të majit

Madrid, 23 maj - Një valë të nxehti ka goditur papritur shtetin e Spanjës këtë fundjave me temperaturat që arritën deri në 44 gradë.

Jugu i Europës pritet të ketë valë edhe më intensive të të nxehtit.

“I nxehti afrikan po lëviz drejt jugut të Europës dhe pasoja e kësaj gjëje është se në mesin e shekullit do të kemi periudha më të gjata dhe më intensive të thatësirave, dhe sigurisht, temperatura më të larta. Vera në një qytet relativisht të freskët si La Coruna, do të jetë e ngjashme me klimën në qytetin maroken të Kasablankës,” u shpreh Ruben del Campo, zëdhënës i Agjencisë Spanjolle të Meteorologjisë, Përllogaritet se rreth 2000 persona në vit vdesin në Spanjë si pasojë e nxehtësisë së madhe.

Fillimisht, vala e të nxehtit godet personat me probleme shëndetësore, të cilët janë edhe kategoria më e rrezikuar nga temperaturat e larta.

Kalendari

Ngjarjet e datës 1 korrik 2022 - Kryetari i Grupit Parlamentar të Partisë Demokratike të Kosovës, Abelard Tahiri mban Konferencë për media. (Para ndërtesës së Gjykatës Kushtetuese, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Ministria e Mbrojtjes organizon ceremonin e diplomimit të kadetëve të Gjeneratës 2022 të Akademisë së Mbrojtjes - Qendrës për Studime Universitare të FSK-së “Wesley Clark”. (Kazerma “Adem Jashari” në Prishtinë, ora 10:00)

- Nën organizimin e Federatës Sindikale te Sektorit Privat te Kosovës shoqata e autobusëve të Mitrovicës dhe Vushtrrisë do të protestojnë para Ministrisë së Infrastrukturës dhe Transportit për mos krijimin e kushteve për punë. (Para Ministrisë së Infrastrukturës, ora 10:00)

- Instituti Kosovar për Qeverisje Lokale mban konferencën me temën “Ndikimi i ndryshimeve të Kuvendeve Komunale në kualitetin e politikave lokale” ku do të prezantohet hulumtimi mbi pasqyrimin e përbërjes së Kuvendeve Komunale. (Hotel Sirius, nga ora 10:00)

-OJQ AKTIV dhe platforma OPEN organizon prezantimin e rezultateve të hulumtimit “Regjistrimi i popullsisë nga këndvështrimi i komunitetit serb në Kosovës”. (Qendra e Energjisë Qytetare në Mitrovicën e Veriut, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 voton listën e dëshmitareve qe do të ftohen për intervistim si dhe shqyrton CV-te për angazhim të eksperteve. (Ndërtesa e Kuvendit, salla N204, ora 14:00)