24 Tetor 2021

Temperatura të larta në Arktik, shkrihen brenda ditës 22 gigatonë akull

Arktik, 31 korrik - Ndryshimi i klimës po shkakton temperatura të larta në të gjithë Arktikun, ku Groenlanda humbi sërish një sasi të madhe akulli.

Kjo është sasia e tretë më e madhe në 71 vite. Vëllimi i ujit, që u formua nga shkrirja e akullit, mund të mbulojë të gjithë Floridën, me një shtresë prej pesë centimetrash.

Dy rekordet e mëparshme u shënuan në 2012 dhe 2019.

Sipas shkencëtarëve, shkrirja e shpejtë e akullit erdhi si pasojë e ajrit të nxehtë të bllokuar në ishullin Arktik. Ata paralajmërojnë se do do ketë shkëputje të tjera akullnajash.

Vetëm të mërkurën, rreth 22 gigatonë akull u shkrinë brenda ditës.

12 gigatonë u derdhën në oqean, ndërsa 10 të tjerë u thithën nga dëbora dhe ekziston mundësia të ngrijnë përsëri, sipas  ekspertit për klimën, Xavier Fetvais.

Polar Portal, një shoqatë e instituteve kërkimore daneze, e përshkroi fenomenin si “shkrirje masive”.

Shkencëtarët vlerësojnë se shkrirja e shtresës së akullit të Grenlandës është përgjegjëse për rreth 25% të rritjes së nivelit të detit në dekadat e fundit.

Po aq shqetësues është fakti se Arktiku në përgjithësi po ngrohet më shpejt se pjesa tjetër e planetit. Të mërkurën, temperatura e ajrit në Grenlandë ishte “shqetësuese” duke arritur deri në 23.2 gradë Celsius, në pjesën lindore të ishullit.

Përmbytjet katastrofike që kanë marrë dhjetëra jetë njerëzish dhe zjarret shkatërimtare që kanë djegur qindra hektarë pyje gjatë kësaj vere, ka nxitur liderët politike të kërkojnë mbledhje emergjentë për të diskutuar për ndryshimet klimatike dhe pasojat që sjellin.

Kalendari

Ngjarjet e datës 23 Tetor 2021 - Shoqata për Teknologji të Informacionit dhe Komunikimit të Kosovës - STIKK organizon diten e dytë të edicionit te 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:00)

- Shfaqet video programi "Pranverë e përhershme, behar i vonuar" nga Protocinema në bashkëpunim me Fondacionin Lumbardhi. (Kino Lumbardhi, ora 12:00)

- Kryetari i Komunës së Prizrenit, Mytaher Haskuka, së bashku me ministrin e Ministrisë së Kulturës, Rinisë dhe Sportit, Hajrulla Çeku do të vizitojnë Kinemanë e parë të Prizrenit, ku ka filluar projekti i restaurimit të kësaj ndërtese. (Objekti i kinemasë së vjetër të Prizrenit në afërsi të zyreve të shoqatës Esnaf, ora 12:00)

- Mbahet dita e dytë e edicionit te tretë te festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 15:00)