09 Dhjetor 2021

Sot mbahet forum publik mbi privatizimin e Distribucionit të KEK-ut

Prishtinë, 28 qershor - Ambasadori i SHBA-ve në Kosovë, Christopher Dell, do t’i drejtohet me një fjalë forumit publik mbi “Privatizimin e Distribucionit të Energjisë Elektrike në Kosovë: Përmirësimi i Sigurimit të Furnizimit në Kosovë me qëllim të Rritjes Ekonomike.” 

Qëllimi i këtij forumi është që të diskutohet rëndësia e privatizimit të komapnisë së elektrodistribucionit, në mënyrë që të arrihet deri tek një furnisim i qëndrueshëm me energji elektrike, dhe për të të siguruar qëndrueshmërinë afatgjate financiare të sektorit. Në këtë ngjarje do të marrë pjesë edhe Kryeministri i Kosovës, Hashim Thaçi.

Mungesa e furnizimit të sigurtë me energji vazhdon të jetë pengesa më e përhapur ndaj zhvillimit të sektorit privat dhe rritjes ekonomike në Kosovë. Reforma e përgjithshme e sektorit, duke përfshirë edhe privatizimin, është qenësore, dhe mund të arrihet më së miri duke tërhequr investitorë privatë financiarisht të fuqishëm e me përvojë teknike.

Për të arritur këtë qëllim, Qeveria e Kosovës është e përkushtuar ndaj dy transaksioneve qenësore dhe afërsisht të ndërlidhura: Termocentrali Kosova e Re, për mihje dhe gjenerim; si dhe privatizimi i Kompanisë së Distribucionit.

Forumi Publik do të trajtojë disa zgjedhje të vështira në politikat që kanë të bëjnë me privatizimin e Kompanisë së Distribucion, siç janë mbrojtja e konsumatorëve të ndjeshëm si dhe menaxhimi i ngritjeve të domosdoshme të tarifave.

Organizimi do të bëhet nga partneri i USAID, Shoqata Kombëtare e Komisionerëve të Rregullatorëve (NARUC).

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)