25 Tetor 2021

Rizvanolli kërkon nga Komuniteti i Energjisë të ndërroj emrin nga UNMIK në Republika e Kosovës

Prishtinë, 2 korrik - Ministrja e Ekonomisë e Republikës së Kosovës, Artane Rizvanolli, sot ka marrë pjesë në Takimin Informal të Këshillit Ministror të Komunitetit të Energjisë, në të cilin takim kanë marrë pjesë edhe Drejtori i Sekretariatit të Komunitetit të Energjisë, Janez Kopač si dhe Zëvendës Drejtori, Dirk Buschle, Ministrja Rizvanolli ka diskutuar bashkë me përfaqësuesit e Komunitetit të Energjisë si dhe Ministrat përgjegjës për këtë sektor në vendet përkatëse.

Në këtë takim të mbajtur në format online është diskutuar për amandamentimin e Traktatit të Komunitetit të Energjisë, Kornizën e Energjisë dhe Klimës për vitin 2030 si dhe hartimin e rrugës për targetin e dekarbonizimit deri në vitin 2050.

Gjatë fjalimit të saj, Ministrja Rizvanolli ka theksuar që Kosova e vlerëson procesin e reformimit të Traktatit dhe që Kosova është pjesë e tij që nga viti 2005 kur UNMIK-u ka nënshkruar marrëveshjen në kuadër të institucioneve të Kosovës kurse në 2008 institucionet e Republikës së Pavarur të Kosovës kanë filluar të marrin pjesë në të gjitha aktivitetet e Traktatit duke përfshirë këtu edhe kontribut ndaj buxhetit të Sekretariatit në Vjenë.

Për këto arsye, Ministrja zyrtarisht ka kërkuar që të ndërrohet emri në Republikën e Kosovës në Traktat për të shmangur çfarëdo pasigurie ligjore mbi të drejtat dhe përgjegjësitë.

Gjatë diskutimeve teknike, Ministrja ka deklaruar që qëndrojmë prapa obligimeve të Kosovës në lidhje me procesin e tanishëm dhe angazhimeve që ka bërë Kosova dhe që tani jemi në proces të zhvillimit të Strategjisë Kombëtare të Energjisë dhe Klimës për targetat e vitit 2030.
 

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)