25 Tetor 2021

Qyteti i Mitrovicës tani është qyteti më i pastër

Mitrovicë, 22 prill - Në qytetin e Mitrovicës, për të shënuar "Ditën Ndërkombëtare të Tokës", po zhvillohen disa aktivitete të cilat kanë për qëllim ndërgjegjësimin qytetar ndaj çështjeve mjedisore si dhe përfshirjen e të gjithëve në mbrojtje të tokës.

Komuna e Mitrovicës së bashku me CBM dhe ne partneritet me YIHR (Youth Initiative for Human Rights Kosovo) dhe NSI (Neë Social Intiative) do të bëjnë mbjelljen e disa pemëve në qendër të qytetit.

Në shënimin e këtij aktiviteti morri pjesë edhe kryetari i komunës, Agim Bahtiri, i cili ndër të tjera tha se mbjellja e këtyre pemëve do të ndikojë edhe më shumë në ambientin e pastër dhe ngritjen e vetëdijes për rendësin e saj në jetën tonë ndërsa çdo ditë e jetës duhet ti dedikohet ruajtjes së planetit të tokës, në pastrimin e ambientit e të lumenjve, sepse vetëm kështu do të kemi një jetë e shëndet më të mirë.

“Qyteti i Mitrovicës tani është qyteti më i pastër dhe është radhitur ne vendin e parë në Kosovë sa i përket pastërtisë, por kjo nuk do të thotë se nuk duhet punuar edhe më shumë në krijimin e hapësirave gjelbëruese dhe ruajtjen e ambientit”, ka thënë kryetari Bahtiri.

 

 

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)