17 Maj 2021

Prodhimi i energjisë së pastër regjistron rekord në gjithë botën

Paris, 7 prill - Në një raport të publikuar nga Agjencia Ndërkombëtare e Energjisë së Rinovueshme (IRENA) behët e ditur se kapacitetet e energjisë së rinovueshme vitin e kaluar tejkaluan rekordin e mëparshëm me pothuajse 50 për qind, me më shumë se 260 gigavatë (GW), pavarësisht nga pandemia COVID-19.

Statistikat vjetore të kapacitetit të energjisë së rinovueshme të IRENA 2021 tregojnë se pjesa e energjisë së rinovueshme në gjithë kapacitetin e ri gjenerues u rrit ndjeshëm për të dytin vit radhazi.

Më shumë se 80 për qind e gjithë kapacitetit të ri të energjisë elektrike shtesë vitin e kaluar ishte e rinovueshme, ku energjia diellore dhe ajo e erës përbënin 91 për qind të energjisë së re të rinovueshme.

Sipas raportit, deri në fund të vitit 2020, kapaciteti global i energjisë së pastër arriti në 2.799 GW, ku energjia hidrike ende përbën pjesën më të madhe me 1.211 GW, megjithëse energjia diellore dhe ajo e erës po ngrihen shpejt.

"Dy burimet e ndryshueshme të energjisë së rinovueshme dominuan në zgjerimin e kapacitetit në vitin 2020 me 127 GW, përkatësisht 111 GW të instalimeve të reja të energjisë diellore dhe të erës", thuhet në raport.

Duke komentuar mbi raportin, Drejtori i Përgjithshëm i IRENA-s Francesco La Camera, tha se numrat tregojnë një histori të jashtëzakonshme të qëndrueshmërisë dhe shpresës.

Ai gjithashtu shtoi se përkundër sfidave dhe pasigurisë së vitit 2020, energjia e rinovueshme doli si një burim i optimizmit të pamohueshëm për një të ardhme më të mirë, më të barabartë, elastike, të pastër dhe të drejtë.

Kalendari

Ngjarjet e datës 17 Maj 2021

- Ministria e Mjedisit, Planifikimit Hapësinor dhe Infrastrukturës organizojnë javën e gjashtë Globale e Sigurisë Rrugore. (Pallati i Rinisë dhe Sporteve, para New Born, ora 10:00)

- Mbahet seanca gjyqësore kundër të pandehures Dragana Janiçeviç për Kultivimi i bimës së hashashit, shkurres së kokainës ose bimëve të kanabisit. (Gjykata Themelore në Ferizaj, ora 10:00)

- Kuvendi i Kosovës mban seancë të jashtëzakonshme në të cilën do të diskutohet prezantimi i Programit të Qeverisë së Republikës së Kosovës për vitet 2021-2025. (Kuvendi i Kosovës, ora 10:00)

- Kryetari i Komunës së Prizrenit, Mytaher Haskuka do të vizitojë Shërbimin e Urgjencës, i cili është furnizuar me dy autoambulanca të reja. (Shërbimi i Urgjencës në Prizren, ora 10:30)

- Mbahet seanca gjyqësore kundër të pandehurit Visar Krasniqi për Keqpërdorimi dhe mashtrimi ne prokurorimin publik. (Gjykata Themelore në Ferizaj, ora 11:00)

- Rrjeti i OJQ-ve Avonet mban konferencë për media në të cilën do të prezantoj projektin “Hapësirat e gjelbëra dhe shtatorja e Presidentit të Shteteve të Bashkuara të Amerikës Joe Biden”. (Objekti e Galerisë, ish-objekti i TMK-së, rruga “Ramadan Rexhepi” Ferizaj, ora 11:00)  

- Universiteti i Shkencave të Aplikuara në Ferizaj organizon aktivitetin 3 ditor “Open Doors”, për të rinjtë e Kosovës dhe më gjerë, të cilët ende nuk kanë bërë zgjedhjen e profesionit të tyre. (Objekti i Universitetit, ora 11:00)

- Organizata Kosovo Center for Peace mban konferencë për medie në lidhje me raportin e Departamentit Amerikan. (Xhamia “Bedri Kamberi” në Prishtinë, ora 11:00)

- Kolektivi për Mendim dhe Veprim Feminist do të mbajë protestë kundrejt neglizhimit të sigurisë së vajzave dhe mungesën e politikave të mirëfillta të edukimit, të cilat janë duke e mirëmbajtur patriarkalitetin i cili po rezulton të jetë i dhunshëm për vajzat brenda dhe jashtë institucioneve shkollore. (Pranë Ministrisë së Ministrisë së Arsimit, Shkencës, Teknologjisë dhe Inovacionit, ora 12:00)

- BIRN dhe Internews Kosova mbajn konferencë në të cilën do të prezantohet Raporti “Përkëdhelja e korrupsionit” i cili ka në fokus analizimin e politikës ndëshkimore në rastet e korrupsionit të shqiptuara nga gjykatat e Kosovës gjatë vitit 2020 dhe gjithashtu analizimin e përformancës së gjyqësorit në trajtimin rasteve të korrupsionit. (Pallati i Drejtësisë, Objekti A, Salla e Konferencave, ora 13:00)

- Mbahet mbledhja e Kryesisë së Kuvendit në të cilën do të shqyrtohet kërkesa për interpelancë me ministrin e Ministrisë së Financave, Punës dhe Transfereve, Hekuran Murati në lidhje me “Uljen e shtesave të pensionistëve, stafit shëndetësor dhe institucioneve të sigurisë”. (Ndërtesa e Kuvendit, salla C 301, ora 13:00)

- Nën organizimin e Drejtorisë së Administratës, do të mbahet dëgjimi publik për “Draft-Rregulloren për Organizimin dhe Bashkëpunimin e Komunës me fshatrat, Vendbanimet dhe Lagjet Urbane në territorin e Komunës së Prizrenit”. (Salla e mbledhjeve të Kuvendit Komunal në Shtëpi të Bardhë, ora 13:00)  

 

- Drejtori I Përgjithshëm mbajn një Konferencë për shtyp. (Drejtoria e Doganës, Prishtinë, ora 18:00)