07 Shkurt 2023

Prishtina me nivele shumë të larta të ajrit të ndotur, shkak automjetet me naftë

Prishtinë, 6 dhjetor - Qendra Kosovare për Zhvillim dhe Avokim (KADC) mban sot konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”.

Ndotja e ajrit është rreziku më i madh mjedisor për shëndetin dhe shkaktari kryesor i efekteve të dëmshme shëndetësore që përkeqëson sëmundjet e frymëmarrjes dhe kardiovaskulare.

Ekspozimi ndaj përqendrimeve të grimcave të imta mbi nivelin e rekomanduar nga Organizata Botërore e Shëndetësisë ka rezultuar me 238.000 vdekje të parakohshme në Bashkimin Evropian dhe me 3.100 vdekje të parakohshme në vendin tonë.

KADC konsideron se të jetosh sot në Prishtinë është me rrezik për shëndetin për pjesën më të madhe të vitit.

Shkaku kryesori ndotjes së lartë në ajr me NO2 janë automjetet me naftë. Njerëzit që jetojnë ose punojnë përgjatë rrugëve të ngarkuara janë veçanërisht të prekur.

Fatkeqësisht, kjo sipas KADC vlen edhe në mjediset e kujdesit shëndetësor, shkolla, kopshte dhe ambiente për të moshuarit, ku nga matjet janë zbuluar nivele shumë të larta të NO2.

Me ndihmën e organizatës “Deutsche Umwelthilfe - DUH”, KADC për gjatë një viti do të bëj matjen e NO2 me mostra pasive në zonat urbane në komunën e Prishtinës, krahasoj me matjet zyrtare dhe informoj publikun mbi vlerat e ndotësit NO2.

Me këto të dhëna Kosova i bashkohet 16 shteteve evropiane që kanë krijuar pasqyrën e ndotjes urbane të ajrit nga NO2 në kryeqytete dhe kane ndërmarr masa konkrete për mbrojtjen e ajrit.

Në konferencë do të marrin pjesë përfaqësues dhe ekspertë të qeverisë lokale dhe qendrore si dhe ekspertët nga DUH që janë angazhuar dhe kanë kontribuar në hartimin e masave për mbrojtjen e ajrit nga ndotja në komunën e Prishtinës. 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)