27 Korrik 2021

Prioritet i Qeverisë është finalizimi i Strategjisë Kombëtare të Energjisë

Prishtinë, 13 qershor - Është mbajtur sot në Prishtinë takimi i Komisionit të Përgjithshëm për Ekonomi, Infrastrukturë dhe ​Energji i Asamblesë Parlamentare të Procesit të Bashkëpunimit të Evropës Juglindore (SEECP), me temën “Sfidat ekonomike dhe mundësitë në vendet e EJL-së pas COVID-19”.

Takimi u mbajt në platformën virtuale (online), dhe u drejtua nga deputetja e Kuvendit të Kosovës, Jeta Statovci, njëherësh anëtare dhe kryesuese e Komisionit të Përgjithshëm për Ekonomi, Infrastrukturë dhe Energji të AP të SEECP-së.

Në hapje të takimit, Statovci ka folur për rëndësinë e kësaj teme, duke theksuar se SEECP është platformë e ndërtuar mbi shtyllat e bashkëpunimit për stabilitet dhe prosperitet të qëndrueshëm në rajon.  

“Pas përballjes me pandeminë COVID-19, ne duhet të fillojmë duke trajtuar shqetësimet tona të përbashkëta dhe duke adresuar ndikimet shumëdimensionale të COVID-19”, ka thënë Statovci.

Më pas, Statovci fjalën ia ka kaluar ministres së Ekonomisë, Artane Rizavanolli, e cila ka thënë se pandemia COVID‐19 është definuar si krizë globale e shëndetit dhe sfida më e madhe me të cilën po përballet bota që nga Lufta e Dytë Botërore.

“Ajo nuk rrezikon vetëm shëndetin tonë, por ka goditur fuqishëm edhe ekonomitë e çdo vendi, duke sjellë me vete tronditjen e tretë dhe më të madhe ekonomike e financiare të shekullit 21”, ka thënë ajo.

Rizavanolli ka thënë se prioritet i Qeverisë së Kosovës është finalizimi i Strategjisë Kombëtare të Energjisë dhe i Planit Kombëtar për Energji dhe Klimë, rritja e zhvillimit ekonomik, bashkëpunimi me vendet e rajonit etj.

“Konsideroj që bashkëpunimi regjional do të ketë rol shumë të rëndësishëm drejt rimëkëmbjes ekonomike e këtij tranzicioni si në vendin tonë, dhe përtej”, ka thënë Rizavanolli.

Në këtë takim, drejtoresha menaxhuese e Odës Ekonomike Gjermano-Kosovare, Nora Hasani, prezantoi rezultatet e anketës vjetore të Dhomave të Tregtisë dhe Industrisë Gjermane mbi "Sfidat dhe mundësitë ekonomike në vendet e Evropës Juglindore (EJL) pas Covid-19“, duke krahasuar kështu ekonomitë e 16 shteteve pjesëmarrëse të EJL.

Poashtu, edhe Umut Ergezer, prezentoi strategjinë "Zhvillimi i Qëndrueshëm ekonomik rajonal dhe roli i parlamenteve", në kontekstin të Strategjisë 2030 për Evropën Juglindore (EJL).

Në vazhdim, anëtarja dhe kryesuesja e Komisionit të Përgjithshëm për Ekonomi, Infrastrukturë dhe Energji të AP të SEECP-së, Jeta Statovci, ka prezantuar draft-raportin në lidhje me temën e takimit, për të cilëm më pas kanë diskutuar edhe përfaqësuesit e vendeve pjesëmarrëse.

Draft-raporti dhe draft-rezoluta u mirëpritën nga delegacionet pjesëmarrëse, por, në mungesë të kuorumit, nuk u arrit të miratohen.

Të njëjtat do të procedohen në takimet tjera të Asamblesë, në kuadër të Sesionit Plenar, që do të mbahet nga 21-23 qershor në Antalia, Turqi.  

Përveç Kosovës, në këtë konferencë kanë marrë pjesë edhe delagacionet nga: Turqia, Sllovenia, Bosnja dhe Hercegovina, Maqedonia e Veriut, Mali i Zi, Shqipëria dhe Kroacia.

Kalendari

Ngjarjet e datës 27 Korrik 2021

- Komisioni për Buxhet, Punë dhe Transfere shqyrton Raportin me amendamente për Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2021. (Ndërtesa e Kuvendit, salla C203, ora 9:45)

- Policia e Republikës së Kosovës organizon ceremoninë e zbulimit të pllakës përkujtimore të zyrtarëve policorë, e cila iu dedikohet zyrtarëve policorë të rënë në kryerje të detyrës “Heronjve të Kosovës”. (Hapësira e jashtme para objektit të Drejtorisë së Përgjithshme të Policisë, ora 10:00)  

- Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë (Ndërtesa e Kuvendit, salla N302, ora 10:00)  

- Instituti për Politika Zhvillimore mban konferencën për medie lidhur me përmbylljen e projektit “Barometri i Rimëkëmbjes – për transparencë dhe llogaridhënie” dhe prezantimin e raportit përfundimtar të zbatimit të Ligjit për Rimëkëmbjen Ekonomike – Covid-19. (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Mbikëqyrjen e Financave Publike lidhur me raportin e auditimit të performances “Transparenca dhe llogaridhënia në procesin e financimit të organizatave jo-qeveritare”. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale takoht me kryetarët e Odave të profesionistëve shëndetësor për të diiskutuar për punën dhe sfidat e Odave të profesionistëve shëndetësor. (Ndërtesa e Kuvendit, salla N303, ora 10:00)

- Kryeshefit Ekzekutiv të Agjencisë së Kosovës për Forenzikë, Blerim Olluri raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N204, ora 10:00)  

- Nën përkujdesin e drejtpëdrejt të Kryegjyshit Botëror Bektashian, Haxhi Dede Edmond Brahimaj, shënohet 231-të i themelimit të Teqesë Bektashiane të Gjakovës. (Teqa Bektashiane në Gjakovë, ora 11:00)

- Misioni i OSBE-së në Kosovë do ta prezantojë edicionin e pestë të Raportit vlerësues të të drejtave të komuniteteve. (Hotel Emerald, ora 11:00)

- Ministrja e Ministrisë së Industrisë, Ndërmarrësisë dhe Tregtisë, Rozeta Hajdari raporton para Komisioni për Ekonomi, Industri, Ndërmarrësi dhe Tregti lidhur me nivelin e zbatimit të ligjit për shoqëritë tregtare. (Ndërtesa e Kuvendit, salla N10, ora 11:00)  

- Organizohet hapja solemne e Dekra Akademie në Gjilan e cila ka hapur dyert e saj për infermierët e licencuar që duan të punojnë në Gjermani. (Tek Rruga e Gjinollëve, nr.83, Gjilan, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë  shqyrton Projektligjin në parim për Mbeturinat nga industritë nxjerrëse të mineraleve, Projektligjin për Mbrojtjen e ajrit nga ndotja, etj. (Ndërtesa e Kuvendit, salla N302, ora 13:00)

- Komisioni për Administratë Publike, Pushtet Lokal, Media dhe Zhvillim Rajonal mban mbledhjen e radhës. (Ndërtesa e Kuvendit, salla 303, ora 14:00)

- Mbahet mbledhja e kryesisë së Kuvendit të Republikës s Kosovës. (Ndërtesa e Kuvendit, salla C301 ora 15:00)