05 Dhjetor 2022

Plotësimi i standardeve mjedisore të BE-së deri në vitin 2017

Prishtinë, 27 prill - Zyra e BE-së përshëndet synimet e Korporatës Energjetike të Kosovës për të adresuar shqetësimet mjedisore dhe për të ndërmarrë veprime në zvogëlimin e ndotjes së shkaktuar nga termocentralet, veçanërisht Kosova A.

Çdo investim që zvogëlon nivelet e ndotjes së shkaktuar nga Kosova A konsiderohet përfitim jo vetëm për mjedisin, të dëmtuar nga termocentralet me djegie të thëngjillit-linjitit, mirëpo edhe për të përmirësuar problemet shëndetësore me të cilat ballafaqohet popullata që jeton në afërsi të termocentraleve për çdo ditë.

Përkundër mirëpritjes së këtyre investimeve, ekspertiza e pavarur konfirmon se veprimet nuk janë të mjaftueshme për plotësimin e standardeve të BE-së, të cilat rrjedhin nga obligimet e Kosovës ndaj Traktatit për Komunitetin e Energjisë, dhe në këtë mënyrë ato do të jenë të aplikueshme për Kosovën që nga viti 2017 e tutje.

Edhe me investimet e parapara, Kosova A do të vazhdojë të krijojë nivele të ndotësve, dukshëm përtej atyre të pjesës tjetër të Evropës, dhe qytetarët e Kosovës do të vazhdojnë të marrin frymë në ajrin i cili është shumë më i ndotur se sa ai i homologëve të tyre.  

Duke pasur këtë parasysh, Zyra e BE-së sjell ndërmend zotimin e Kosovës për mbylljen e termocentralit Kosova A deri në vitin 2017. PSBE/Shefi i Zyrës së BE-së për Kosovë, Samuel Zhbogar, ka theksuar rëndësinë e përmbushjes së këtij zotimi deri në afatin përfundimtar mbi të cilin është rënë dakord edhe në takimin e fundit me Kreun e Korporatës Energjetike të Kosovës dhe me Ministrin e Zhvillimit Ekonomik.

Investimet mjedisore aktuale, edhepse një hap përpara, mund të merren në konsiderim vetëm si masa të përkohshme dhe jo si argument i mjaftueshëm për zgjatjen e këtij afati. Kjo vlen edhe për riaktivizimin e njësisë A2.

Nga pikëpamja e mbylljes së Kosovës A deri në vitin 2017 dhe nevojat e tërë sektorit energjetik në Kosovë – nga burimet e ripërtërishme deri te efikasiteti energjetik – Komisioni Evropian në bashkëpunim me Bankën Botërore do të organizojnë një forum për energji në vjeshtë të vitit 2012, i cili do të përpiqet që të rrisë mbështetjen në sektorin energjetik në Kosovë.

Angazhimet dhe mbështetja financiare për sektorin energjetik do të varen shumë nga përmbushja e standardeve të BE-së për energji nga ana e Kosovës.

BE-ja ka qenë dhe vazhdon të jetë një mbështetëse e fuqishme e zhvillimit të qëndrueshëm të energjisë në Kosovë.

Që nga viti 1999, ajo ka investuar më shumë se 400 milion euro në një numër projektesh të ndërlidhura me energji, të cilat radhiten prej importit emergjent të energjisë elektrike deri te masat efikase për energji dhe përmirësimet teknike në kapacitetet e gjenerimit, transmisionit dhe shpërndarjes së energjisë elektrike.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)