24 Tetor 2021

Ndotja e ajrit në Indi mund të shkurtojë jetën e njerëzve deri në 9 vjet

New Delhi, 3 shtator - Ndotja e ajrit e cila ka arritur nivele të rrezikshme në Indi mund të shkurtojë jetëgjatësinë e miliona njerëzve deri në 9 vjet.

Sipas lajmit të CNN, studimi i publikuar nga Instituti i Politikave të Energjisë i Universitetit të Chicago-s (EPIC) zbuloi se e gjithë popullsia indiane prej rreth 1.3 miliardë banorë po përballet me një nivel të rrezikshëm të ndotjes që tejkalon nivelin e ndotjes të përcaktuar nga Organizata Botërore e Shëndetësisë (OBSH).

Qeveria indiane në vitin 2019 nisi një fushatë kombëtare për ajër të pastër për të zvogëluar ndotjen e ajrit për 30 për qind deri në vitin 2024.

Në studimin në fjalë, thuhet se ndotja e ajrit arriti nivele edhe më të këqija, veçanërisht në pjesën perëndimore në provincën Maharashtra të vendit dhe në pjesën qendrore të vendit në Madhya Pradesh.

Në studim thuhet se ndotja e ajrit, e cila ka arritur nivele shumë të rrezikshme në Indi, mund të zvogëlojë jetëgjatësinë e miliona njerëzve deri në 9 vjet.

Më tej theksohet se niveli i ndotjes në kryeqytetin e Indisë, New Delhi, është mjaft i lartë dhe se me zvogëlimin e ndotjes së ajrit sipas kritereve të OBSH-së mund të shtohet jetëgjatësia e banorëve të New Delhit deri në 10 vjet.

Sipas studimit të EPIC, ndotja e ajrit në Indi vlerësohet të shkurtojë jetëgjatësinë e afërsisht 520 milionë njerëzve që korrespondon me 40 për qind të popullsisë së vendit.

Kalendari

Ngjarjet e datës 23 Tetor 2021 - Shoqata për Teknologji të Informacionit dhe Komunikimit të Kosovës - STIKK organizon diten e dytë të edicionit te 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:00)

- Shfaqet video programi "Pranverë e përhershme, behar i vonuar" nga Protocinema në bashkëpunim me Fondacionin Lumbardhi. (Kino Lumbardhi, ora 12:00)

- Kryetari i Komunës së Prizrenit, Mytaher Haskuka, së bashku me ministrin e Ministrisë së Kulturës, Rinisë dhe Sportit, Hajrulla Çeku do të vizitojnë Kinemanë e parë të Prizrenit, ku ka filluar projekti i restaurimit të kësaj ndërtese. (Objekti i kinemasë së vjetër të Prizrenit në afërsi të zyreve të shoqatës Esnaf, ora 12:00)

- Mbahet dita e dytë e edicionit te tretë te festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 15:00)