09 Dhjetor 2021

Nazarbajev: Evropa vetëm "llafe" për Nabucco-n

Kazakistan, 20 korrik - Kazakistani deklaroi se vazhdon të jetë pjesë e projektit Nabucco, i cili do të reduktojë varësinë e Evropës nga gazi rus.

Presidenti i Kazakistanit, Nursulltan Nazarbajev, e akuzoi Evropën se është duke folur shumë Nabucco-n dhe duke mos bërë asnjë gjë.

Këtë deklaratë Nazarbajevi e bëri pas takimit me kancelaren gjermane, Angela Merkel, e cila gjendej për një vizitë në Kazakistan.

-"Evropa flet shumë për Nabucco-n. Por në fakt po bëhet shumë pak për këtë projekt", -tha Presidenti i Kazakistanit, dhe u zotua se do të furnizojnë me gaz natyror tubacionin Nabucco në rast se projekti realizohet.

Ndërsa Merkel, rikonfirmoi zotimin për sigurimin e garancive shtetërore kompanive që do të marrin pjesë në Nabucco.

Parashikohet që tubacionin Nabucco, i cili pritet të përfundojë në fund të vitit 2014, ta furnizojnë me gaz natyror Kazakistani, Turkmenistani, Azerbajxhani dhe Irani.

Projekti do të kushtojë afërsisht 8 miliardë dollarë dhe planifikohet që gazi natyror të transmetohet për në Evropë me tubacionin që do të kalojë poshtë Detit Kaspik dhe nëpërmjet Turqisë.

Dihet që aktualisht në realizimin e projektin ka vështirësi në sigurimin e burimeve financiare dhe sasisë së gazit të mjaftueshëm natyror.

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)