25 Tetor 2021

Lituania, Letonia dhe Estonia testojnë ndërprerjen e importit të energjisë elektrike nga Rusia

Tallin, 15 prill - Tri shtetet Baltike për herë të parë ndërprenë importin e energjisë elektrike nga Rusia,  gjatë provave për të dalë nga rrjeti i sistemi energjetik BRELL (Bjellorusia, Rusia, Estonia, Lituania dhe Letonia).

Rrjeti i sistemit energjetik BRELL ka lidhur sistemet energjetike të pesë vendeve që nga koha e Bashkimit Sovjetik dhe ka funksionuar si sistem i përbashkët i pesë shteteve.

Shtetet Baltike kanë planifikuar që deri në vitin 2025 të largohen plotësisht nga BRELL dhe të lidhen me sistemet energjetike të Evropës kontinentale dhe Skandinavisë, pra te mos varen më nga Sistemi energjetik rus.

Tërheqja e vendeve Baltike nga BRELL do të çojë në rënie të ardhurave dhe fitimit të Operatorit rusë të energjisë elektrike, i cili shtetet Baltike i kishte treg të sigurt.

Në kuadër të strategjisë së sigurisë energjetike, tri shtetet Baltike më herët kishin filluar edhe zvogëlimin e vartësisë edhe ndaj gazit rusë, duke filluar të furnizohen nga Norvegjia dhe ndërtimin e terminaleve të gazit ë lëngët, çka kishte quar dukshëm në zvogëlimin e vartësisë ndaj gazit rus.

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)