26 Shtator 2021

KOSTT ri - çertifikohet me tri standarde ndërkombëtare

Prishtinë, 14 korrik - Në vazhdimësi të përkushtimit për ngritjen e cilësisë dhe ekselencës së biznesit në përputhje me standarde ndërkombëtare, në 15 vjetorin e themelimit KOSTT u ri-çertifikua me  ISO 9001:2015 - Standardi i Menaxhimit të Cilësisë, ISO 45001:2018 - Standardi i Sigurisë dhe Shëndetit në Punë dhe ISO 14001:2015 - Standardi i Mbrojtjes së Mjedisit.

Këto certifikata të njohura dhe vlerësuara globalisht, të cilat vijnë pas një procesi rigoroz të verifikimeve dhe auditimit nga kompania ndërkombëtare certifikuese RoyalCert, e bëjnë KOSTT kompaninë e vetme publike në Kosovë të ri-certifikuar për të katërtën herë me tri ISO standarde ndërkombëtare të cilësisë.

Me këtë rast, Kryeshefi Ekzekutiv i KOSTT z. Mustafë Hasani theksoi “Ne jemi të përkushtuar që të operojmë dhe ofrojmë shërbime cilësore që i përmbushin plotësisht kërkesat ligjore dhe rregullatorë si dhe në vazhdimësi të zhvillojmë kujdesin ndaj punonjësve dhe shoqërisë.  

Gjithashtu, të qenurit konsistent në mirëmbajtjen dhe përmirësimin e sigurisë dhe shëndetit të punonjësve si dhe zbatimin e alternativave më të mira për reduktimin e ndotjes dhe përmirësimin e vazhdueshëm mjedisor, janë esenciale për një zhvillim të qëndrueshëm global.”

Përndryshe KOSTT ka filluar me certifikim për herë të parë me ISO standard ndërkombëtar që në vitin 2010.

Kalendari

Ngjarjet e datës 26 Shtator 2021

- Kryetari i Komunës së Prizrenit, Mytaher Haskuka do të merr pjesë në edicionin e tretë "Race for the Cure" të organizuar nga shoqata e pacientëve të kancerit të gjirit Renesansa. (Ura e Arastës, ora 10:00)

- Federata e Pingpongut organizohen 2 xhirot e radhës në Superligën e Meshkujve dhe 2 xhiro në Superligen e femrave. (Shkolla 'Motrat Qiriazi' në Prizren, ora 10:00)

- Mbahet edicioni i trete i Race for the Cure Kosova 2021, në Prizren. (Sheshi i Lidhjes se Przrenit, ora 10:00)

 

- Kryetari i Kuvendit të Republikës së Kosovës, Glauk Konjofca, bën homazhe në Abri të Epërme, në 23-vjetorin e masakrës së kryer nga forcat serbe në këtë fshat. (Abri e Epërme, ora 14:30)