09 Dhjetor 2021

Fillojnë përgatitjet për procesin e dekomisionimit të TC Kosova A

Prishtinë, 2 korrik - Sot në Ministrisë së Energjisë dhe Minierave (MEM) është mbajtur takimi ndërinstitucional i përfaqësuesve të lartë të MEM, Ministrisë së Ekonomisë dhe Financave, Ministrisë së Mjedisit dhe Planifikimit Hapësinor, Ministrisë së Punës dhe Mirëqenies Sociale, Ministrisë së Integrimeve Evropiane, Zyrës Ndërlidhëse të KE-së në Kosovë, Bankës Botërore,  USAID, KEK sh.a. dhe Sindikatës së KEK sh.a. lidhur me fillimin e përgatitjeve për procesin e Dekomisionimit të TC Kosova A.

Në këtë takim që është drejtuar nga Ministrja e Energjisë dhe Minierave, Justina Shiroka –Pula është vendosur krijimi i tri grupeve punuese që do të merren me trajtimin e procesit të Dekomisionimit të TC Kosova A, ndërsa është kërkuar që në këtë proces vëmendje e veçantë t’i kushtohet çështjeve sociale.

“Gjatë procesit përgatitor deri në fillimin e dekomisionimit të TC Kosova A, të bëhet kujdes i veçantë në trajtimin e çështjeve sociale, ashtu që efektet sociale që shoqërojnë procese të tilla të trajtohen sipas praktikave më të mira dhe më të suksesshme ndërkombëtare”, ka thënë Ministrja Pula.

Ajo tha se Qeveria do të mbështesë masa dhe programe adekuate që do të eliminojnë efektet negative sociale që mund të rezultojnë gjatë dekomisionimit të TC Kosova A, ndërsa mirëpritet kontributi i donatorëve.

Në këtë takim u vendos që:

1. Të institucionalizohet puna përgatitore për përgatitjen e procesit të dekomisionimit te TC Kosova A në përputhje me Strategjinë e Energjisë 2009-2018.

2. Për përgatitjen e procesit të dekomisionimit të TC Kosova A, brenda muajit korrik 2010 do të konstituohen tri grupe punuese si vijon:
(i)    Grupi punues për plotësimin e studimeve të nevojshme për dekomisionim, i kryesuar nga MEM,  dhe që do të ketë në përbërje MEF, KEK sh.a., MMPH, MPMS.
(ii)    Grupi punues për çështje sociale, i kryesuar nga MPMS, që do të ketë në përbërje edhe MEF, KEK sh.a., Sindikatën dhe MEM-in.
(iii)    Grupi punues për sigurimin e financimeve dhe kryerjen e dekomisionimit, i kryesuar nga MEF, që do të ketë në përbërje edhe KEK sh.a., MMPH, dhe MEM-in.

Në të tri grupet punuese janë të mirëpritur të marrin pjesë me statusin e anëtarit edhe Zyra e KE-së në Prishtinë, Banka Botërore dhe USAID.

Aktiviteti i tri grupeve punese do të koordinohet nga MEF si mbikëqyrëse  e ndërmarrjeve publike.  

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)