27 Shtator 2022

Dyqanet në Belgjikë vendosin të fikin dritat dhe të ulin temperaturat

Bruksel, 21 shtator - Në Belgjikë, dyqanet për të kursyer energji kanë vendosur të fikin dritat dhe të ulin temperaturat nga 1 tetori.

Federata Belge e Ndërmarrjeve të Biznesit (Comeos) njoftoi se masat e reja shtrënguese do të zbatohen nën sloganin "tregtia e përgjegjshme" për shkak të krizës energjetike.

Nga 1 tetori, supermarketet, dyqanet e veshjeve, sallonet e bukurisë, dyqanet e elektronikës, dyqanet e ndërtimit dhe dekorimit, dyqanet e lodrave dhe libraritë do të ulin konsumin e tyre të energjisë.

Mijëra dyqane në vend do të fikin dritat e vitrinave dhe ndriçimin e brendshëm një orë pas orarit të mbylljes.

Dyqanet do të kufizojnë temperaturën e brendshme në 19 gradë.

Gjithashtu, hyrjet e dyqaneve do të mbahen të mbyllura për të parandaluar humbjen e nxehtësisë.

Masat shtrënguese të sipërpërmendura nuk do të përfshijnë restorantet dhe kafenetë në vend.

Qeveria e Belgjikës kishte vendosur të fikte ndriçimin në ndërtesat publike nga ora 19.00 deri në orën 06.00 dhe nxehtësia më e lartë të jetë deri në 19 gradë.


Kalendari

Ngjarjet e datës 27 shtator 2022

 - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

- Ministria e Industrisë, Ndërmarrësisë dhe Tregtisë shënon Ditën Botërore të Turizmit, në bashkëpunim me Unionin e Turizmit të Kosovës dhe me përkrahjen e Projektit për Zhvillimin e Sektorit Privat (PPSE). (Parku Arkeologjik Ulpiana, ora 11:00)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)