05 Dhjetor 2022

Avokati i Popullit shprehë shqetësimin për ndotjen e ambientit

Prishtinë, 28 prill - Avokati i Popullit përmes një komunikate për media ka shprehur shqetësimin e tij se ndotja e ambientit në Kosovë me çdo ditë që kalon po bëhet gjithnjë e më rëndë.

\"Përveç hedhjes së pakontrolluar të mbeturinave, prerjes së pyjeve, shkatërrimit të ambienteve të lira, zënies së tokës pjellore me ndërtime,  shkatërrimi i shtretërve të lumenjëve, dukuria e djegies së mbeturinave industriale, sidomos e gomave,  që bëhet më e theksuar veçmas me rastin e shënimit të festës së 1 Majit në Kosovë, si dhe hamulloreve nga ana e pronarëve dhe shfrytëzuesve të tokave në periudhën e korrjeve shirjeve\", janë dukuri jashtëzakonisht shqetësuese për Avokatin e Popullit.

Me këtë rast, Avokati i Popullit, përkujton obligimin e respektimit të Nenit 52 të Kushtetutës së Republikës së Kosovës, me të cilin mbrojtja e natyrës dhe biodiversitetit është përgjegjësi dhe detyrë e të gjithë qytetarëve, të cilët janë faktorë i rëndësishëm në mbrojtjen dhe ruajtjen e ambientit dhe shëndetit e jetës.

Ruajtja e mjedisit, ajrit, tokës dhe ujit, janë obligim moral dhe ligjor i qytetarëve dhe i institucioneve publike.

Avokati i Popullit kërkon nga të gjithë qytetarët, që të shmangin këto praktika dhe të ndikojnë edhe tek njeri tjetri që të evitohen këto dukuri që ndikojnë drejtëpërsëdrejti në degradimin e mjedisit, ndotjen e ajrit, ujit  dhe tokës.

Gjithashtu, Avokati i Popullit fton të gjithë mekanizmat relevantë, organet qendrore dhe lokale, Inspektoriatet mjedisore të të dy niveleve, si dhe organet e ruajtjes së rendit, që në bashkëpunim të mbikqyrin, të parandalojnë dhe tëpengojnë këto dukuri, pasojat e të cilave do të jenë afatgjata.

Avokati i Popullit fton organet e sundimit të ligjit që  ndaj kryerësve të veprimeve të tilla shqetësuese të ndërmerren të gjitha masat e përcaktura me ligj.

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)