05 Dhjetor 2022

AMMK: KEK vazhdon të mos respektoj rregullat kundër ndotjes së ajrit

Prishtinë, 27 prill - Agjencionia për Mbrojtjen e Ambientit të Kosovës (AMMK) ka bërë të ditur se matjet më të reja dëshmojnë se Korporata Energjetike e Kosovës (KEK) po vazhdon që të mos respektoj rregullat vendore dhe ato ndërkombëtare kundër ndotjes së ajrit.

Sipas këtyre matjeve të bëra nga vet kjo korporatë dëshmohet se termocentralet e KEK-ut, edhe gjatë tre muajve të parë të këtij viti janë duke vazhduar me ndotje përtej standardeve të lejuar.

"Gjendja vazhdon që të jetë shqetësuese për shkak të emisioneve ndotëse me pluhur, SO2 dhe NOx nga Termocentralet   A dhe B", tha Kryeshefi Ekzekutiv i Agjencionit për Mbrojtjen e Ambientit të Kosovës (AMMK).

Në TC A gjatë muajit Janar dhe Shkurt ka pasur tejkalime të emisioneve të pluhurit deri në 12 herë, kurse gjatë muajit Mars është rritur edhe në 14 herë më shumë në krahasim me standardet e lejuara, përderisa në TC B ka pasur tejkalime të emisioneve të pluhurit deri në  6 herë.

Ndërkohë në TC A matjet tregojnë se ka tejkalime për SO2 deri në 1.5 herë nga standardet e lejuara përderisa vërehet rritje e kësaj ndotjeje nga muaji Janar deri në muajin Mars.

Ndërsa në TC B gjendja është edhe më e keqe, meqë në muajin Mars tejkalimi i SO2 është mbi 2 herë më i madh.

Ndërsa sa i përket emisioneve ndotëse me NOx në TC A, ato tejkalojnë 1 herë më shumë në krahasim me standardet e lejuara, përderisa në TC B tejkalimi i ndotjes arrin në 1.5 herë në krahasim me standardet e lejuara.

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)