15 Gusht 2022

Vazhdon bashkëpunimi mes MAP dhe OSBE-së

Prishtinë, 31 mars - Një botim i akteve nënligjore të hartuara nga Ministria  e Administratës Publike në vitin 2008, nga ana e Misionit të OSBE-së në Kosovë, ka qenë arsyeja e takimit të sotëm mes zëvendësministrit dr. Rifat Blaku dhe ushtruesit të detyrës së Drejtorit të Departamentit për Demokratizim të Misionit të OSBE-së në Kosovë, Wolf-Michael Mors.

Në këtë takim zëvendësministri Blaku ka thënë se MAP-ja është e përkushtuar për realizimin e politikave dhe strategjive legjislative, si dhe sigurimin e zbatimit të infrastrukturës ligjore në praktikë.

Ai ka falënderuar OSBE-në për përkrahjen e vazhdueshme dhe bashkëpunimin e treguar në raport me institucionet e Republikës së Kosovës dhe në veçanti ka shprehur mirënjohjen për botimin e këtyre akteve nënligjore, duke theksuar se ky botim do të ndikojë në rritjen e informimit të zyrtarëve, gjë që do të ndikojë edhe në realizimin e detyrave dhe obligimeve të përditshme institucionale.

“Ky botim do të shërbejë që udhëzimet e botuara të zbatohen më me efikasitet dhe transparencë, si faktorë tepër të rëndësishëm në funksion të fuqizimit të sundimit të Ligjit”.

Nga ana tjetër,përfaqësuesi i OSBE-së në këtë takim, z. Michael Mors ka shprehur kënaqësinë për të qenë pjesë e këtij projekti, i cili është projekt i vogël, po që ndikimi i tij do të duhej të ishte mjaft i madh.

“ Ligji zbatohet për të gjithë njësoj, përfshirë këtu edhe ata që ndoshta nuk e  dinë se ekziston ai Ligj. Është e nevojshme dhe obligim i institucioneve që përkrah hartimit të akteve ligjore dhe nën ligjore, t’i bëjnë publike ato, qoftë duke i botuar apo në formë elektronike, në mënyrë që publiku të jetë i njoftuar me to dhe t’i ketë më afër”.

Mors ka shprehur gatishmërinë e OSBE-së që bashkëpunimi  të vazhdojë, duke ofruar edhe më tutje asistencën dhe mbështetjen e nevojshme për forcimin e sundimit të Ligjit në Kosovë.

Botimi i akteve nënligjore të miratuara nga MAP-ja në vitin 2008, është mbështetur nga Misioni i OSBE-së, i cili i ka ofruar MAP-së 600 ekzemplarë që do tu shpërndahen zyrtarëve të institucioneve të Republikës së Kosovës. 

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)