09 Gusht 2022

Turqia shpall strategjinë e daljes nga kriza

Ankara, 15 prill - Banka qendrore turke (TCMB) ka publikuar "Strategjinë e Daljes nga Kriza", e cila përfshin anulimin e masave që ishin marrë gjatë krizës globale dhe operacionet për normalizimin e situatës financiare.

Sipas kësaj do të tërhiqen gradualisht një pjesë e masave që ishin marrë gjatë procesit të krizës ndaj tregut të valutës dhe lirës turke.

Procesi do të zhvillohet me kujdes dhe i shtrirë në kohë. Monedha e tepërt në treg do të reduktohet në mënyrë graduale.

Ndërsa programi që është deklaruar më parë në lidhje me emetimin e bonove shtetërore për tregun e brendshëm do të vazhdojë.

Gjithashtu Banka Qendrore nuk do të bëjë ndërhyrje as në politikën e saj monetare.

Normat bazë të interesit edhe për periudhat në vijim do të përcaktohen në përshtatje me panoramën e inflacionit dhe objektivat afatshkurtër e afatmesëm.

Do të ndryshojë metoda e bërjes së tenderëve me maturim 1-javor për riblerjet.

Në vend të metodës tradicionale, tenderi do të zhvillohet me metodën e sasisë me normë interesi të pandryshueshme.

Në kuadër të kësaj norma fikse e interesit do të përcaktohet duke i shtuar 50 pikë bazë normës së interesit të huamarrjes që është publikuar për veprimet me maturim 1-ditor.

Si rrjedhim norma konstante e interesit që shpallet për blerjet e repos me maturim 1-javor do të jetë edhe normë referuese nga pikëpamja e politikës monetare.

Kalendari

Ngjarjet e datës 9 gusht 2022

- Lëvizja FOL organizon konferencë për media me ç’ rast do të publikoj gjetjet nga monitorimi i realizimit të Planit Vjetor të Punës së Qeverisë për periudhën janar- qershor 2022. (Zyret e Lëvizjes FOL, ora 11:00)

- Zëvendëskryeministrja për Çështje të Pakicave dhe të Drejtat e Njeriut, Emilija Redžepi, mban takimin me temën “Arsimi i komuniteteve joshumicë në Republikën e Kosovës”, me pjesëmarrjen e të gjithë përfaqësuesve relevant të institucioneve. (Ndërtesa e Qeverisë, ora 12:00)

- Hapet ekspozita “Ekonomia e Gruas në tregun e punës” e cil paraqet veprat e artistëve të Bosnjës dhe Hercegovinës të cilët në mënyra të ndryshme trajtojnë format e padukshme/të neglizhuara/të panjohura të punës. (Mini Studio në Rr. Nazim Gafurri 25, ora 20:00)