22 Shtator 2021

Themelohet Forumi Ekonomik i Sharrit, edicioni i parë në nëntor 2021

Prishtinë, 19 korrik - Fondacioni “Forumi Ekonomik i Sharrit” në bashkëpunim me Odën Ekonomike të Kosovës (OEK) bashkë me partnerë të tjerë vendorë dhe ndërkombëtarë do të organizojnë Forumin Ekonomik të Sharrit (Sharr Economic Forum).

Me këtë Forum synohet që të zhvillohet në një takim i nivelit të lartë, ku bashkon liderët rajonalë, ndërkombëtarë nga politika dhe biznesi në Kosovë, për të adresuar sfidat ekonomike, politike dhe sfidat me të cilat përballet Kosova dhe rajoni.

Forumi Ekonomik i Sharrit do të ofrojë një mundësi për të identifikuar dhe vlerësuar sfidat kryesore të rritjes ekonmike, duke mësuar nga përvojat e politikave në vendet e tjera, për të mbështetur bashkëpunimin rajonal dhe për të identifikuar një kurs të veprimeve të politikave drejt ekonomive më konkurruese dhe gjithëpërfshirëse në Kosovë dhe në Ballkanin Perëndimor bazuar në sundimin e ligjit dhe ekonominë e tregut të lirë.

Për më tepër, sfidat bashkëkohore të tilla si ndryshimet klimatike, siguria shëndetësore dhe sfidat teknologjike do të trajtohen po ashtu në këtë Forum.

Forumi Ekonomik i Sharrit do të jetë një platformë unike në Kosovë, ku do të vendosë një platformë që ndikon në agjendat dhe diskutimet lokale dhe rajonale.

Përveç konferencës së saj vjetore, Forumi Ekonomik i Sharrit rregullisht do të mbledhë ngjarje dhe diskutime të profilit të lartë mbi tema të veçanta dhe do të publikojë përmbledhje vjetore të kërkimit mbi çështje dhe sfida thelbësore.

Në korrik, Forumi Ekonomik i Sharrit do të fillojë veprimtarinë e parë dhe do të shpallë përbërjen e ekipit dhe bordit këshillues të Forumit.

Forumi Ekonomik i Sharrit synon të rrisë rolin e sektorit privat në politikat publike dhe diskutimet politike, ekonomike dhe të sigurisë në Kosovë dhe të rrisë rolin e tyre në formësimin e politikave.
...

Kalendari

Ngjarjet e datës 22 Shtator 2021

- Ministri i Shëndetësisë, Arben Vitia, raporton në Komisionin për Shëndetësi dhe Mirëqenie Sociale për menaxhimin e situatës me Covid-19. (Ndërtesa e Kuvendit, salla N302, ora 10:00)

- Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Policinë e Kosovës, OJQ-të shënojnë “Ditën Ndërkombëtare pa Makina”. (Para ndërtesës së Qeverisë, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton formon grupin punues për Projektligjin për Gjykatën Komerciale, shqyrton raportet e Komisioneve të përhershme  për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, etj,. (Ndërtesa e Kuvendit, salla N204, ora 10:00)

- Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Shqipërisë, Lindita Nikolla. (Kabineti i kryetarit, ora 10:00)

- Mbahet takimi i 203-të i Këshillit Prokurorial të Kosovës. (Përmes formës online, ora 10:00)

- Komisioni për Mbikëqyrjen e Financave Publike shqyrton rekomandimet e dala nga raporti i auditimit të performancës “Parandalimi dhe reagimi i situatave emergjente: Vërshimet”, etj. (Ndërtesa e Kuvendit, salla N10, ora 12:00)

- Komisioni për Buxhet, Punë dhe Transfere shqyrton Raportin vjetor financiar të Agjencisë Kosovare të Privatizimit, raportin vjetor Financiar i Agjencisë Kosovare për Krahasim dhe Verifikim të Pronëssi dhe Raportin vjetor Financiar i Institucionit të Avokatit të Popullit. (Ndërtesa e Kuvendit, salla C203, ora 13:00)

- Komisioni për Mbikëqyrjen e Agjencisë së Kosovës për Inteligjencë bën rishikimin e Planit të punës së Komisionit për sesionin vjeshtor. (Ndërtesa e Kuvendit, salla N302, ora 13:00)

- Instituti Kosovar për Kërkim dhe Zhvillim i Politikave dhe Qendra Kosovare për Studime të Sigurisë në bashkëpunim me Programi i Universitetit Columbia për Ndërtimin e Paqes dhe të Drejtat e Njeriut organizojnë një konferencë me temë 'Sfidat e Kosovës që vijnë Rusia dhe Kina' me Holden Triplett Agjenti Special i FBI -së dhe Drejtor për Kundërzbulimin në Këshillin e Sigurisë Kombëtare, ret. (https://zoom.us/j/98242813908?pwd=cFBiZGdMV3pRTTV3RDJBbTE5UEtVQT09, ora 16:00)